今日上左第一堂瑜珈，AH老師一o黎就要我地做好多唔同的動作，仲要成日走過o黎指正我tim, 又頂我條腰, 又抆我隻腳, 都真係幾痛呀~ 我同個fd又掛住互笑對方的動作, 攪到老師勁留意我地, 覺得我地上堂唔認真ah >.< , 最後仲俾我地寸返轉頭, 全班勁笑佢講錯野, 睇o黎我地以後都冇咩好日子過架啦, 實捉我地出去”拗”呀~~~
d動作對於我呢個硬骨頭o黎講都幾有難度架, 又要向後勁拗腰, 又要挺胸收腹, 又要勁拉筋同金雞獨立………學完之後真係腰酸背痛, 手腳冇力呀, 最舒服就係最後攤係張”典”到抖個陣啦, haha, 好想訓呀~~ 不過ah sir真係幾勁架, d柔軟度勁高, 我最記得有一幕係佢示範向後拗腰啦, wa~佢個頭最後係倒轉咁停左o係個股上面架~~實在太令人佩服啦, 我都立志要學成之後可以將腳板貼住個後腦呀, haha~~
學完就去左同班U既fds食飯, 都有成半年冇見啦, 雖然我遲左去, 但係佢地好好咁預先留定d野食俾我, 真係好感動呀~~
食完就到今晚既重點節目……塔羅牌啦, 我已經學到進階啦, 學緊d牌陣同點幫人解牌, 仲要做家課呀, 要為一定數量的人read牌, 今晚都同左好幾個fds read, 佢地都係話有d準有d唔準啦, 甚至睇到一d同我睇到既完全相反既意思, 因為有2隻牌都重覆又重覆咁出現, 會唔會係我未read到個msg??? 定係佢地都咁o岩拎到呢d msg呢???
令我諗起miss上堂講要放低得失心去幫人read牌, 準唔準唔係最重要, 而係可以帶到d msg俾求問既人先最imp., 如果解個陣下下驚住唔準, 又或者好在乎解得準唔準, o岩唔o岩的話, 咁係會左右左自己同張牌既connection, 而且每個人睇同一張牌睇到既msg都可以唔一樣, 因為tarot 本身就係一樣有無限可能既野, 所以冇model ans., 亦冇對與錯, 好與壞, 在乎你點去轉化個msg去幫到自己去睇自己既問題睇得更真同更深~
其實就算做人成日都存在得失心都好辛苦架, 成日驚住會輸, 成日會執著於一d自己已得or 想得既野上面, 又點會開心呢, 會好攰架~ 不過都有佢既好處既, 起碼做人個得失心強會識得去珍惜一d已有既野, 因為佢地會知道失去既代價, 我一向都想自己個得失心強d架, 咁我諗我會更加學識點樣珍惜機會同好好把握, 唔再成日得過且過, 胡胡混混~~
P.S. 你地呀, 仲未同我交換能量呀, 快d補返我損耗左既真氣呀!!haha
文章定位：
