24h購物| | PChome| 登入
2003-02-13 02:50:22| 人氣43| 回應0 | 上一篇 | 下一篇

我係fan屎~

推薦 0 收藏 0 轉貼0 訂閱站台

擒日約左班仔女o係中心打邊爐, 佢地都好乖, 一手包辦晒買、洗、切咁, 一切準備就緒我先行入去食, haha, 7個人食成18碟野, 仲死撐話一定食得晒, 結果都係俾我迫佢地一人拎返一袋走~ o係佢地洗既過程入面, 我都不時有走去"裝"下佢地攪成點, 睇落都幾企理架, 但係唔知點解個晚返到home我就攪肚痛啦, 仲痾左2次tim, 我自問都滾到好熟架將d野, 除非就係佢地洗得唔乾淨姐~咁o岩今日撞到其中一個女, 佢話自己都有肚痾, 我就梗係乘機賴佢地手腳唔乾淨啦.....haha, 其實都今日個肚都仲有d痛呀~

今晚睇左克勤個concert, 未睇之前已經有好多睇左既人同我講話好正架啦, 真係好得呀, 成晚都冇冷場, 除左睇佢同alan不斷咁對唱對方既飲歌之外,仲有得睇佢地幾廿歲人走去又跳又唱, 再加埋佢地串有人個幕, 真係好得呀, 4舊水睇2個除返開都抵晒啦~最掂既當然係克勤d歌啦, 佢唱live真係太正啦~聽佢自己數返由最風光跌到最低潮個陣既失意, 到好唔容易再起返拎埋獎, 就足以証明佢既努力係冇白費架, 終於可以拎到實至名歸既認同, 聽落都好感動呀...>.< 不過又係咪表示一個人除左實力之餘, 際遇都好重要呢, 仲要加埋自己識得去把握機會, 就咁數已經覺得好難啦, 就好似我team leader講, 我地呢類都係成世做梗卒仔架啦~不過好似佢咁年年有人工加就算冇職升又真係唔怕做卒仔呀, haha~

我要檢舉
台長： 小吱吱
人氣(43) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札)

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文