今日上埋初班塔羅的最後一堂, 記得當初報個陣都係諗住學多樣野, 想知道下究竟係點玩既, 同自己同下人地占下都幾好玩呀, 點知上堂先知原來唔係諗住玩咁簡單架, 又要記牌義(成78隻架), 又要做家課, 仲要學點去read牌, 點樣講返自己感受到既野, 都真係唔懶得架>.<, 尤其係上堂個陣, 為免自己水過鴨背而勁抄notes, 真係讀書個陣都冇咁勤力呀, haha~ 不過自己都係懶啦, 通常d家課都係做d唔做d, 所以最終都係交唔到貨~ o矣~連自己既牌都未read得掂, 又點去幫人read呢~
好記得初初同d fd講話報左呢個course, 佢地都話做咩學埋d咁邪既野, 叫我小心D咁話, 真係唔驚都講到驚架~其實當初報呢個COURSE都係俾個章程吸引既, 佢冇刻意強調一般人眼中塔羅牌既預知功能, 反而highlight佢只係一種幫助自我學習同自我成長的工具, 講到好正面咁, haha, 於是就想知多d啦~
結果上完4堂, 雖然都係未係好掌握到每隻牌既可能含意, 又或者點去解讀佢, 但係令我覺得最深印象既係用牌既目的, 係學習人生的課題, 佢認為每個人每一日都有課題係需要學習既, 例如學習寬恕、學習取捨等, 可能有人話呢d野唔駛用牌都會知道應該點做架啦, 但有時人俾一個問題困擾緊既時候, 係咪真係咁易咁理智去分析或者諗到解決呢個問題既方法呢, 搵人傾同睇多d書同用塔羅牌其實都係一種幫自己用多d唔同角度去睇野既工具姐~而用塔羅牌占卜主要係幫你去睇多d, 睇深d個問題的癥結、了解發生的原因，將會可能出現既結果, 再去為選擇自己想要既結果而做d野。
Read牌係講求用自己既直覺, 所以每一張牌本身係冇象徵意義的, 反而係由read牌既人憑自己既直覺去感受呢張牌所帶俾你既message, 係自己主宰的。而且即使你read到咩意思都好, 佢既功能只係話俾你聽有呢個可能性, 最終你想唔想呢個可能性發生都係你自己既選擇同決定, 我最認同既係: 結果係可以改變的, 只要你願意去改。人好多時都係咁, 有好多野以為係整定既, 又或者係冇得揀既, 當一件事發生同自己預期既結果有出入個陣, 就會去blame自己, blame人地, 或者覺得自己唔好彩, 但係其實就冇諗到每一件事的因果關係都係自己既選擇o黎既, 明知夜訓就會好大機會唔知醒架啦, 但又會縱容自己去咁樣做, 其實最终決定權咪O係自己手囉~
學塔羅雖然都幾辛苦(唔懶得架), 但係都幾得意既, 又可以當係一門手藝喎(如果學得識的話), 可能將來可以靠佢搵食架, HAHA, 到時可能就會變成一個神婆啦, 對我好D我到時可能會收佢平D架, HAHA~
文章定位：
