今日去左pre walk
由北潭坳行去西灣亭
去之前都爭d因為唔夠人而唔成行架啦
點知行左唔夠10分鐘
就見到有條綠色既野係牆邊伸出o黎
睇真d原來係一條青青地的蛇
個頭伸左入去引水道個窿到
得返個身突左出o黎
咁就梗係行快2步啦
行行下向落山方向之時
我個fd就講緊佢有次帶人行山遇到馬騮搶gas搶cookset的經歷
當我地笑佢以為支gas係可樂想開o黎飲之際
俾我見到有舊好似狗的動物行緊上o黎
睇真d原來係隻馬騮
估唔到竟然俾我地講佢出o黎
由於我地行個條係條唔闊的石屎路
原本我地都打算行佢側邊過就算
但隨住佢愈行愈近的身影
發現原來佢既身型都好魁梧下 (事後仲發現佢個pat好有肉架)
仲大隻過一頭野狗tim
我地相信要係佢身邊行過
可能會同佢有肌膚之親 (我地當然係唔想啦)
再加上佢見到我地3個
竟然冇迴避、退後、上樹的打算
反而前來步步進逼tim
似乎意有所圖
而且完全唔怕我地3個對佢1個
所以我地就決定...走返轉頭
返上上面不遠處的一個分叉路口諗住進可攻退可守啦
我地一路撤退佢就一路追上o黎
終於上到路口
共有3條路可以俾我地揀
一條係向下去土瓜坪
一條係上山唔知去邊
一條係掘頭路冇得走
我地見佢未追到上o黎
就退庭商議諗下下一步點算啦
我地匿左係d樹蔭後面密切留意佢的動靜
等我地以為佢走左之際
見到佢原來已經爬左上我地前方的一棵樹上
仲望實我地tim
向下走我地又驚佢追落o黎
諗住佢可能都係求財姐
不如掉左柑俾佢引開注意就閃人啦
又驚佢再追住o黎要野食
諗住快手o係樹底衝出去
又怕佢會撲落o黎
佢又唔郁喎
惟有敵不動我地不動啦
點知佢又再爬高d, 個方向仲朝住我地喎
我地決定行落d避避先啦
行左一段, 見到佢已經追係我地後面
既然我地已經失左勢
我地最後決定~~作最壞的打算
將我地可能會受到的傷害減到最低
於是我地著返風褸
仲帶埋帽tim
3個人痴埋一舊企埋一邊
希望佢會睇我地唔到
佢一步一步咁逼近
去到同我地一個身位之隔的位置 (聽講係, 我唔夠高睇唔到)
停左…望住我地
之後佢就爬左上樹
我地乘機突圍, 走返上去
動作之快, 仲驚動到2條野狗
好彩佢冇追住o黎咋
真係撲埋o黎我地都冇得走呀
事後我地估計佢係想要野食
點知見等極都冇
行到埋o黎又冇野俾佢搶
就惟有放過我地啦
總算有驚無險啦
可能對於阿馬騮o黎講
有3個傻人同佢玩
都唔知幾開心至真
文章定位：
人氣(72) | 回應(1)| 推薦 (
0)| 收藏 (
0)|
轉寄
全站分類:
不分類
