- 　 唯獨你是不可取替　[ＦU]* 　　 　　　我　倆 　　　　想　 　 　　　　愛 　　　　兩 　　　　年

64愛的鼓勵 0訂閱站台

07年仲有一日就完結啦..
突然想總結一下尼年..黎個大事回顧先..



上年既除夕夜..同富,佢d fds去佐食野..
之後去佐漁人碼頭join埋演藝d fds..
好開心迎接佐07年..因為有愛我既人..
有最好既朋友一齊渡過尼一晚..好warm..


慢慢..同富既問題越黎越多..
吵吵鬧鬧..07年既情人節前仲因為一d野分佐手..
以為已經無得返轉頭..
但其實大家心裡面彼此仲有一個好重要既地位..
我依舊整佐朱古力比佢..已經第2年了..
最估唔到就係佢都親手整佐比我..
最後..我地又再走返埋一齊..



3月3日..亦都係同富一週年..
但係之前我地又再分佐手..
兜兜轉轉..我地都係一齊返..
我無特別準備d咩..只係一份小小既禮物..
仲有臨時訂既蛋糕..慶祝我地尼對小魔鬼..



4月3日..係富既生日..我提早佐一個月為佢準備好一切..
因為已經係第2年陪佢過生日..所以怕唔夠驚喜..
千方百計之下..我又成功比佐2個驚喜佢啦..
一個係我中午既時候..好狼狽咁衝上佢5樓既課室..
放低佐份禮物係佢個位到..好睬無放錯咋..^^
第二個係我提早去佐pizza hut放低個蛋糕..
點知發生佐小意外..我去佐次所..
出到黎見到個waiter拎住我個蛋糕走返入去..
原來個傻佬以為唔係佢..所以唔敢要=.=!
第一次整既蛋糕..會很難吃嗎..



5月份..富用佢補習草返黎既錢..
買佐一對戒指..戒指好靚呀..我好中意..
不過只係帶過幾次..我地又分手啦..
今次係因為我入佐pizza hut做..
承諾過佢既野我做唔到..再加上一d問題..
尼次我走得好決絕..我無心軟返轉頭..
並唔代表我唔愛..只係心仲未想返去..
慢慢亦都習慣佐一個人既生活..
一個人返學放學..返工放工..
有時真係累到想喊..好想有個依靠..
但路係我自己揀既..我唯有堅持落去..



6月份..知道可以順利升班..好開心..
但亦都代表..我地見面既機會已經唔多啦..
尼個月我開始排編導班既戲..係一個好大挑戰..



7月份..唔係返工就排戲..尼段日子多得dollar既支持..
佢對我既照顧真係無人能及..同佢一齊咩都唔洗諗..
成個月排戲裡面..我學識佐好多野..終於踏出我既第一步..
兩場既演出總算成功..好開心有屋企人同朋友黎支持..
仲有富..多謝你2年都有黎支持我..



8月份..對dollar既感覺突然變佐..
不過好睬仲可以繼續做朋友..多謝你..
月尾同公司幾個fd去佐大陸玩佐2日..
尼個月..同sunny一直都好曖昧..
但其實都無一齊過..因為大家始終都唔夾..



9月份..知道佐同富同班..覺得個天係到玩緊我地..
9月21日..我地又一齊返..但過佐幾日又分開佐..
9月29日..佢已經同佐第2個一齊啦..
証明佢都唔係咁愛我姐..對嗎..



10月份..我試過去挽留..但已經無用..
10月13日..我同佐一個識佐幾年既fd一齊..
佢好錫我..對我好好..
10月24日..我過佐一個好開心幸福既生日..
因為有佢..有演藝既朋友..仲有3個小矮人..
但我好失望..富連生日快樂4個字都無同我講到..



11月份..快樂既時間永遠都係咁短暫..
當我以為終於可以搵到個比到幸福快樂我既男人既時候..
突如其來既分手令我痛哭了成晚..
我起初仲甘願做佢既第三者..繼續同佢一齊..
但慢慢..比好多fd鬧醒佐..我發覺我只係唔捨得..
而唔係自己諗得咁愛佢..
為佐佢..流過唔少眼淚..諗返轉頭..好傻..
我唔應該咁信佢..而尼一次真係傷得好徹底..



12月份..我發覺最愛..最放唔低既始終都係富..
可惜佢愛既已經唔止我一個..
又或者應該講..佢一早已經唔愛我..
我做佐好多野..好多什至我唔中意既野..
我都做哂啦..但結果都係一樣..
佢一次又一次比佐希望我..一次又一次令我失望..
幾次既傷害令我實在好累..我無力氣再鬥落去啦..
因為無論我再堅持幾耐..你既決定都唔會變..



12月31日..唔知尼一晚我會點過呢..
開心定唔開心呢..我好想逃避..
因為我真係好怕尼一晚我要自己一個..
我怕聽到別人快樂既歡呼聲..



2007年..我真真正正失去佐一個最愛既人..
我不斷跌倒..然後又再努力爬起來..
尼一切都唔係一朝一夕既事..
我仲可以撐到幾耐..我真係唔知..
但我會繼續過好一個人既生活..
希望明年今日..我唔需要再擔心尼d問題..







最後..希望大家有個開心既除夕夜..!!