琴日係3月8,算係我地係返埋1齊之後最開心既1日,
唔通我地1齊開開心心真係咁難?點解唔可以每日都開心?
有時真係會覺得好辛苦,係個心呀,我唔知自己諗緊咩,
話唔愛你,又唔係,好愛你,又唔係..希望你睇到唔好介意!
但係有時我真係覺得大家唔單止係性格問題,方向感都唔同,
我暫時既志願就係要去外國讀大學,所以我想轉返間好既學校,
我聽過好多人既意見,我明白到好多野,更加想自己去選擇,
我知你好想幫我,但有時我真係好想學識獨立,
有咩我都想自己解決,所以我今日同你講野既語氣重佐,sorry..
學校,屋企既壓力已經唔小,希望你明白,我有時真係好支力啦,
返到屋企,我好想休息下,我由細到大身體都唔好,
有時我需要既唔止係關心,而係細心既照顧,好好比我休息,
可能你會講你放學仲要去返工你會比我更加辛苦,
你更加需要人關心同照顧,尼2樣野我都好似比唔到你,
但我已經比以前做得好佐,你唔好再叫我點樣做點樣做啦,
如果真係唔岩,就唔好強迫大家1齊落去啦..!
雖然依家我真係唔知自己冇佐你之後會點,亦都唔敢去諗,
因為大家之間實在太多問題,好多唔係話改下就得,
有時迫自己改佐而唔係出於真心既話都係冇意思囉,
對你既關心有時真係唔洗用口講出黎,又或者..
你既諗法同我既諗法始終唔同,咁樣真係唔知仲可以捱幾耐,
我諗有時你都會覺得好辛苦,好支力,咩都唔想再諗..
如果你真係覺得太支力你就放手啦,唔好咁執著1段感情,
唔好成日為佐我既野唔開心,你話只要我開心,你唔開心都可以,
你仲記唔記得2個人1齊就係想2個都開開心心,互相體諒,
如果真係做唔到既話無謂勉強落去啦,你同我都會好辛苦..
又或者你諗下你了解我既有幾多,我又諗下自己有幾了解你,
會唔會係尼個問題..總之唔好迫得自己太辛苦..
我個胃由琴晚痛到依家啦,唔知洗唔洗照胃鏡,
我都唔敢同屋企人講住,因為我真係好驚..
我好怕自己1個去面對,但我會學會獨立,
因為我覺得始終有1日你都會離我而去,
我曾經傷害過你,將來我就要承受尼個後果,
而胃痛就好似已經成為我生活之中既1個習慣,
每日都好痛好痛,但係有幾痛你又明唔明..
文章定位：
