為何人生1定要經過離別的過程,當離別那刻才懂得珍惜..
過去我從沒有珍惜過你和我們的每1課,什至常常埋怨..
但聽到你將要離開我們,我感到心酸,到了臨別那時,
我不禁流下眼淚,滿腔熱淚地面對你的離開,依依不捨..
dicky*係演藝跟佐我地年半既導師,記得第1堂上佢堂,
我遲到,佢唔比我解釋任何野,佢同我地講佢最憎人遲到,
對尼個人冇乜好感,之後佢做咩都執到好嚴..
直到學期尾要考核,要打竹,我同midco一組,
我地好多都唔識,又冇咩點練,其他同學都比我地做得好,
第1次打比dicky睇,佢話我地唔合格,又鬧我地,
之後我地真係有努力到,但始終係dicky眼中我地都係未合格,
佢係咁批評我地,仲要我地補考,哥陣真係好嬲佢,
明明我地係有努力過.但佢竟然都係唔滿意我地..
到最後我地都冇咩心機再練啦,不過好睬都合格,
尼件事令我更加憎佢,今年開學既時候,聽到又係佢教,
真係唔係咁想,唔記得佐第幾堂我,cat同midco係到傾計,
只係講佐2句,佢就係到鬧midco,之後鬧埋我同cat,
佢好嬲,係咁鬧,之後仲好大力拍個地下,好大聲叫我地"ＯＵＴ"
哥陣真係好憎好憎佢,唔明點解佢會咁對我地..
之後唔知係咪我既問題,總係覺得我地做咩佢都針對住我地,
上學期既考核又係分組,今次我同midco,edvina一組,
我地好努力諗個idea出黎,佢好似幾滿意我地個idea,
但係佢同我地講可能我地會做唔到尼個程度,
我地冇理到佢,依然好努力去做,但係發覺佢講既野都幾岩,
我地諗黎諗去,諗過好多idea,但最後都係用返開頭哥個,
我地今次真係好努力咁去排,曾經仲為佐排練時間而鬧交,
到考哥日我地真係好緊張,但真係唔想再比佢鬧,
我地好投入去做尼個短短5分鐘既短劇,做完之後..
好多掌聲呀!好開心..因為我地終於得佐啦,原來有努力過,
得來既成績真係會好d嫁,今次dicky冇點樣批評我地d咩,
仲讚我地,尼次開始佢就好似對我地有返信心,
之後每1次既練習,即興我地都好用心咁去做,
佢都冇再話我地啦,我開始對佢改觀,有返好感..
之前真係唔想返嫁,因為好驚比佢鬧,但為佐唔比佢睇死,
我同midco都堅持返每1堂,曾經有諗過放棄戲劇,
而且覺得上堂又唔開心,但自從今次既考核之後,
我對自己,對戲劇都有返信心啦,我會繼續努力..!
開心既時間過得越黎越快,dicky因為身體而決定離開演藝,
離開我地,連我地既結業演出佢都唔再跟啦..不過唔緊要啦!
最緊要係身體健康,以後我地就要同英元老師1齊上每1堂><
上星期日,即係3月5日,係我地同dicky既最後1堂,
1入到課室就感到1種悲傷既感覺,因為今堂係last啦..
每位同學都面帶笑容去上最後既1堂,包括dicky,
時間亦都過得好快,同dicky講再見既時候終於都到啦,
當佢話"落堂啦!你地走啦"既時候,竟然無人起身,
平時佢1講尼句說話既時候個個都即刻衝出去,
但今次..個個都變得好沉默,就好似冇人咁面對尼1刻咁,
之後我已經感覺到dicky既淚水已經湧緊出黎,
但我地就叫佢影相,唔單止係佢,每1個都強忍淚水去同佢影相,
影完之後,cc比佐張卡dicky,佢終於忍唔住啦,1接到張卡,
佢既眼淚已經不斷流出黎,接住..個個都忍唔住喊佐出黎,
dicky1邊喊1邊講出佢既心聲,佢話真係好錫我地班,
我地班係佢第1班既學生,我地1齊開心過,唔開心過,
而佢亦都為佐我地係屋企喊佐好多次,聽到尼到..
每個人都越喊越西利,但佢同我地講依家喊完,
1陣要笑住咁出尼個門口先有意義,我地成班攬住佐1齊喊,
佢逐個逐個咁安慰我地,到最後,雖然真係好唔捨得,
但要走既始終都要走,所以我地面帶笑容咁行出佐尼個門口,
行出佐尼個門口之後,就証明最後既1堂真真正正結束啦..
真係好唔捨得佢呀!以後既每1堂佢都唔會再陪我地1齊過啦,
仲好記得倒數哥晚,同成班人1齊,真係好開心,
其實佢帶佐唔小開心既回憶比我地,但係我從來都冇珍惜過,
之前什至成日埋怨佢,原來佢所做既1切都係為佐我地..
我地1定要繼續努力,唔好白費佢對我地既心機..!
Dicky:我地將來1定會係舞台做1d好成績比你睇嫁..
以後唔可以再係演藝既課室見啦,為有係舞台見啦!
我永遠都唔會忘記你尼位好導師嫁！
文章定位：
