真係太耐冇打過日記喇..由生日到而家都差唔多個半月有多喇..
而我由踏入廿歲開始就真係就黎發癲喇喇~
忙都可以接受丫..功課辛苦都尚算挨得到丫..
但d感情事,朋友間既是非黑白,人性既一面就真係好辛苦喇..
生日果日我都好開心…多謝晒咁多位朋友仔對的既心思..
真係好感動~叮噹蛋糕我真係好鐘意…
另外亦收到dad,mum大利是..成一千蚊..咁大個女都未收過..
不過好快洗晒咯~~生日個日同lui,魚,tinny去左唱k..
之後行左陣mk..佢地走左我就去左搵婷婷
之後會埋大君c+佢地去青葉食飯..仲有叮噹蛋糕食..
食完飯係街頭影相..之後再去唱k等阿文黎…
咁就一日咯,,,之後第二日同文去山頂食飯..
山頂冇野玩..好悶..之後去間餐廳食飯…
貴又服務差..搞到我唔鐘意囉..
夜晚同文吵大架…喊到眼都腫埋..差d連氣都抖唔到…
事因係我地兩人價值觀唔同..
又因為好多野..佢工作忙好燥..我返學d野又搞到我好煩..
差d分手…好彩文最後都tum返我…
第日仲買個LCD Mon俾我做生日禮物…佢亦應承我冇下次..
係呢度記住先…等佢冇得反悔先…
之後果日文同我屋企人去左食團年飯..
見埋我d嬸嬸叔叔lu~睇黎都要認真一點啦..哈
之後29號就年初一,新一年…
今年我犯太歲呀..唔知係咪會有好多唔如意既事呢…
都有d驚驚地架…今年新年冇咩特別…
都係四圍拜年…去行山..食齋咁啦..
不過到左2月就辛苦好多喇…
好多test同功課,..仲有主題宴…
而我2月又係咁返工喎…
真係好多野煩…好多唔如意既野…
好彩主題宴都順利完成,,
我仲叫左DAD,MUM黎食飯..
等佢地睇下呢3年黎我唔係真係去玩架..
好多野我都識去搞掂喇…
阿SIR講得岩…
我地係應該好好珍惜架…
之後3月都係好多功課同test…
之後月尾就考試…考完試就畢業喇,,,
因為我唔駛plcenment嘛~
咁4月出黎就搵工…
dad mum又煩我….想我快d出黎做野…
仲有.,..唔俾我去旅行…
所以朋友們…
你地d旅行計劃都唔駛預我喇…
我唔想又俾人鬧喇…文..唔好意思呀…
我諗我要同你結左婚先可以去旅行喇~
其實好多野都唔想搞成咁…
但每個人都有自己感受..感覺
有邊個人會鐘意成日俾人踩…
做咩都俾人話唔岩架,,
有時講野之前其實應該理下其他人感受…
仲有唔好咁自私…
下下為自己..又唔去付出…
但又要求別人付出..點得架..
何必搞到人人都反感呢…
埋怨別人對你差時…
是否應想想自己怎樣對別人呢…
聖經講得岩,,
【要別人怎樣待你.,你就要怎樣對待別人】
文章定位：
