開學到而家我未打過日記喇～因為由１０月開始真係好ｑ忙呀．．
都真係估唔到一開學就所有野衝晒埋黎．．
想抖下都唔得添．．
１２號返學．．講開學呢一年搞ｄ咩啦．．
１３號就去識鬼佬．．同會展ｎ年前既總廚食飯．．
１６號放左學阿媽係屋企ｂｂｑ．．
１７號左ｓｋｙｌｓｔ係海濱慶祝中秋．．我地一齊影左好多相．．仲有一齊睇相添．．哈．．．個相士話我行少年運．．仲好旺男朋友添～點解我唔覺既～
１８中秋．．去左文屋企食飯～
２０星期二我ｄａｙ ｏｆｆ呀．．同左媽咪去ｓｈｏｐｐｉｎｇ～
係大埔中心買左好多野呀．．買左套啡衫啡裙啡ｂｏｏｔｓ！哈～好似搞到制服咁．．對ｂｏｏｔ我超鐘意呀．．買左成４百幾蚊．．正！
之後ｄ日子都係咁啦．．返學放學溫下書咁啦．．冇咩特別！
不過岩岩開學就已經唔習慣喇．．因為好多野都跟唔到！
另外３班ｄ人而家學ｄ野佢地之前學過晒，，考過晒．．偏偏得我呢班咩都唔識．．而阿ｓｉｒ又個個當我地識晒咁．．問佢中文係咩黎．．佢又話自己唔識中文．．大佬呀．．咁點學呀．．
１０月開始就忙喇．．因為要返工返學嘛～
１號國慶去左睇小企鵝．．悶到死左．．
２號同男朋友返大陸．．．
３號睇童夢奇緣．．同埋ｄ同學仔一齊睇～
４號返工～
７號都係睇戲．．電車男．．
８號返工．．好勁呀呢日～由晏晝３點．．返到凌晨４點～仲冇返到屋企訓添．．
１０號就開始交ｐｒｏｊｅｃｔ既日子喇．．份份都趕到死．．
１７號就搞片皮鴨．．
２０號成班同學都早左返學．．大家都好俾心機溫書．．同準備ｐｒｅｓｅｎｔ既野．．今年真係有返ｄ讀書氣氛咯～夜晚我仲通宵溫書添．．．
２１號英文ｐｒｅｓｅｎｔ兼ａｃｃｏｕｎｔ考試．．ｐｒｅｓｅｎｔ第３個做．．好多野唔記得講，，．搞到時間快左．．之後考ａｃｃｏｕｎｔ～對住份卷個腦一片空白．．估唔到阿ｓｉｒ咁呃我地．．同我地講你溫晒ｅ８．１－８．８就會識晒架喇．．做埋ｐ．８．１到８．５仲可以拎得好高分添～咁我就死讀爛讀個部份啦．．仆佢個街．．．成份卷同呢ｄ野完全冇關！！
之後考完同婷係廁所係咁喊．．我知我ａｃｃｏｕｎｔ本身冇料．．以前又未讀過．．之前兩年上堂都係臨考試先識ｄ．．而家諗住做多ｄ．．溫得熟ｄ．．
點知阿ｓｉｒ會咁．．我寧願佢咩都唔好請．．我自己溫晒佢啦．．ｄ老師都唔知咩心態．．好似想ｄ學生死！好唔開心．．喊左好耐．．
２２號就返工．．返左１０個鐘．．ＢＲ
２３號都係返工．．返８個鐘．．ＢＲ
２４號係圖書館溫書．．
２５號都係屋企溫書．．
２６號又考ＨＲ．．我好俾心機溫．．我知一哀左我就今年冇得繼續讀．．就會晒左成萬蚊學費架喇！好彩．．都算識既．．應該唔會唔合格．．
２９號都係返工．．返左１１個鐘．．
之後３１號ＨＯＬＬＥＷＥＥＮ４點係學校出發去ＴＵＮ門三聖村搞海鮮同做ＰＲＯＪＥＣＴ Ｄ野．．我個日扮藍鬼呀！！好正呀．．
之後食完海鮮同Ｄ同學去左元朗唱Ｋ！！不過唱左２個鐘就要走喇！
１１月１號都係溫書啦．．
２號考ＭＡＲＫＥＴＩＮＧ．．都ＯＫ掛．．不過ＳＴＡＮＬＥＹ都真係有Ｄ擔心佢．．雖然我好憎人出貓．．但睇到佢份卷咩都唔識．．我都俾佢抄啦．．
點知我同Ｃ＋俾佢抄佢又睇唔到．．唉．．真係冇眼睇．．之前個晚仲掛住玩．．
如果知自己唔識點解唔俾心機溫丫．．我地班冇人係天才．．個個都溫好耐先識．．我知我自己唔掂．．溫一次唔識咪溫十次囉．．．點都識啦．．我抄到支筆都冇晒墨啦．．係咁抄．．抄得多都記得Ｄ啦．．大家入得黎讀唔係應該想讀晒咩．．
讀呢科為咩丫．．咁辛苦．．都係想一年拎到高級文憑．．之後直上大學第３年．．讀一年就可以大學畢業．．拎到個學位ＪＥ！
有時我都真係覺得讀呢科好辛苦．．將其他人讀４年既野一年讀晒．．
之後又要讀得好先可以夠同人爭上大學．．另外讀書之外又要兼顧返工．．返工有兩個原因我一定要返！第一，屋企好唔掂．．我唔想再問ＤＡＤ拎錢駛．，．同呢科樣樣都係錢．．我更加唔想阿文俾錢我～我始終只係佢女朋友．．佢冇可能供晒我所有生活費用！
另外，我要拎ＥＸＣＥＰＴＩＯＮ～我唔想晒兩個月又做Ｄ ＯＰＥＲＡＴＩＯＮ既工作！！我知我未必能夠儲到．．始終自己知自己事．．我一星期都冇咩工可以返．．所以舅母叫我返工我都唔會唔應承既．．
講真．．有時都幾嬲自己．．點解人人返得美心．．係我唔返得丫！！而且成班同學都返．．得我冇得返．．佢地又成日係我面前講．．我真係好難受．．
以前會因為咁而喊．．而家叻女左喇．．冇喊．．最多佢地講親我都行開算．．唉．．
３號阿ＳＩＲ話講ＭＡＮＡＧＥＭＥＮＴ既ＴＩＰＳ．．食屎啦．．講左同冇講有咩分別．．．．－．－
４號放學同Ｄ同學去睇嘩鬼屍新娘．．話就話睇戲應該開開心心～但大家同學Ｄ心情都好沉重．．其實我真係唔想睇住Ｄ朋友搞成咁．．
拍拖應該開開心心～如果唔開心冇將來又唔幸福係埋一齊做咩丫．．有Ｄ野拖住掘住係心太辛苦喇．．何況青春真係唔多．．十幾歲既．．試過玩過都仲有條件丫．．到左２０．．就唔可以再係咁喇．．．朋友既角度．．都係想見到大家開開心心ＪＥ～我見到Ｄ朋友咁樣真係好心痛．．仲有．．真正愛一個人係想佢得到幸福．．如果纏著唔放既．．其實最愛既始終都係你自己呀！！除非你相信自己可以俾到幸福佢．．令你愛既人比現在更幸福先應該去爭取．．如果而家人地本身都係好幸福．．你仲要去爭取，令你愛既人煩惱．．咁其實俾你得到．．你愛既人都只係會覺得辛苦咋！
５號打完日記就返工喇～７－１１～
黎緊既日子都好忙．．過左個１１月應該好Ｄ喇掛．．
而家黎緊仲有科考試．．４科ａｓｓｉｇｎｍｅｎｔ
同埋兩個ｐｒｏｊｅｃｔ～
仲有．．希望屋企少ｄ野煩就好喇！
文章定位：
