我真係好耐都冇返大陸咯..之前就算返大陸都係返去按摩..
今次上去就同媽咪係舅母屋企住..係西麗
舅母屋企我訓sofa..食既就食返d本地人最常去食既野..
行街行d個度地方人最新潮既野..
即係去體驗下大陸人點生活囉..
去完今次之行..我先知我真係身驕肉貴咯..
首先去到深圳..我同媽咪會左舅父..
一齊搭大陸d小巴..好痛苦啊..坐左成個鐘..
架小巴勁超載..d人係咁迫..d味香到你想死啊..
之後落車上到樓..冇lift..行樓梯..好彩6層..
多都真係想死..去厠所..冇洗手盆..冇沖厠制..
自己倒水沖..-.-之後我地就去食野..
行過去..嘩..我咁大個女都未試過咁過馬路..
係條高速公路到就咁橫過..
之後過馬路有睇燈都冇用..
個司機都照駛埋黎..d司機都唔睇燈..話過就過..
行行人路都冇啦啦左右前後都會有架電單車or單車駛埋黎..
我地行左半個鐘終於到左打邊爐既地方..
d侍應好搞笑..要鬧先肯做野....=.=
好禮貌反而佢地唔會理你..
仲要俾d變左既野人食..叫佢退返都可以嘈一餐..
埋單張單又亂計既..自己作個銀碼落去..
之後舅父話帶我地去行d當地最潮地區..
哈..真係好潮..玩貼紙相機都有得講價..
由30蚊講到10蚊都得
之後d貼紙相仲可以你話要幾大張都得..
哈..勁抵..平過香港勁多,..
之後又行supermarket..買生果..
d生果唔甜仲好難食..但都好貴喎..
可能香港轉口架...
之後食完野就返去屋企喇…
我邊習慣咁早訓丫..咁我就係度睇dvd..
到3點幾我先訓到...頂..一早隔壁公司就播歌..
嘈鬼醒左我…咁就起身飲茶啦..
我地簡直似d暴發戶..叫到成檯都係野..
4條友..食左起碼14至15個點心..
之後仲叫左2煲粥..又叫左一碗飯同一碗米粉..
最恐怖係碗米粉..一碗等於一窩..想死..
食完又搭車諗住去歡樂谷玩..
搭個架大巴..又係咁超載...d男人d味差d搞到我嘔..
之後落車又過埋d恐怖馬路..
點知去到我媽咪又唔去..
話要同舅母去按摩..咁冇理由得我同舅父差條友玩成個遊樂場架..
咁我地去到門口又話返去腳底按摩..
真係好抵..一粒鐘..23蚊..小費都唔駛..
之後冇啦啦去左打羽毛球..打左一粒鐘..
打完又食過..去左kfc食野..-.-
之後又冇啦啦去左食蘭州拉麵..
12蚊咋食左..抵..
之後好累..返左去沖個涼..
舅父舅母自己訓左..-.-
得我同阿媽係廳到睇電視..
好悶..又眼訓..
諗諗下頂唔住都係早d返香港..
咁我地兩個搭的士去羅湖..
好恐怖既亡命的士..
高速公路駛到百3咪..小路都駛100..
想死..驚到..落車仲俾人係咁問攞錢..
之後係咁就走左去過關喇..
經過呢兩日一夜..我真係好開心生活係香港..
唔駛過d咁恐怖既日子..
上面d空氣污染得好勁.
d人又勁冇公德心...
馬路隨時都有意外發生...
見到d小朋友細細個就自己通街走..
d女仔咁後生就係d色情地方工作
唉..我真係唔適應呢d生活
我寧願做返個溫室長大既人好過喇..
P.S.魚…為左同你仲係好close既關係..
所以我會繼續打呢個日記既…
如果得閒的話….^^
咪咪張相以死左..哈..我都覺..
但我覺得個樣好得意..
文章定位：
