唔經唔覺咁就一年喇～時間過得真係好快．．．
等我係度回顧下我２００４年１８歲過既日子特別事啦．．．
首先係一月：
一月２１我就踏入１８歲．．成年喇．．
而且係同一日．．我亦再開始拍返拖喇．．
而當時既男友就係ｓｔａｎｌｅｙ．．
講真．．．佢對我真係好好既．．我唔否認呢樣野架．．
二月：
我第一次係一間大公司返工．．
而職位係ｔｒａｉｎｅｅ
係好多公司做ｔｒａｉｎｅｅ應該係最低級既．．
而係香港會議展覽中心既就唔同．．
因為個度好少長工．．而我都屬於半個長工．．
所以個個都錫住我既．．．
而係２６號我係ＢＲ仲識到一個係我生命中其中最重要既人添．．
三月：
係３月４號我同我ｓｔａｎｌｅｙ分手喇．．
原因可以話係真係唔夾啦．．我需要既野佢俾唔到我．．
冇ｆｅｅｌ就真係冇ｆｅｅｌ．．
係呢段感情中令我知道左好多野唔可以勉強既．．
雖然係呢段感情裡面我做左衰人．．
但我相信大家從中亦學識好多．．
之前我都有後悔我點解要開始．．
但而家呢一刻我唔會喇．．
因為好多野唔經歷過係唔明架．．
何況我同佢而家都可以做返好朋友丫～～
係３月６號我亦開始另一段戀情喇．．
呢個人就係阿文．．ＮＯＲＭＡＮ ＡＵ
我以前講過我要既男朋友條件佢冇一樣野附合
但唔知點解．．偏偏我同佢既相處係最舒服既．．
起初我有心軟過唔同佢一齊．．因為覺得冇可能．．
而且係埋一齊亦會有好多評論．．
幸好．．而家一一都克服ｌｕ．．．
四月：
ｔｒａｉｎｉｎｇ完左喇．．
過返學校既生活．．一切都算平靜咁過．．
但呢個月既ｅｑ就真係好差．．
成日都又喊又笑．．哈．．
五月：
呢個五月我好忙啊．．
因為要搞主題宴．．同埋仲要考返會考
事實上係呢個主題宴令我同班同學之間誤會多左．．
但而家當然都冇咩事啦．．．哈．．
仲有啊．．呢個五月我肥左好多．．
差少少就返左中３個年既磅數啊！！
六月：
考試月．．頭兩星期都係考試．．
之後都會開始跟ｄ同學仔出去炒散．．．
係１４號晚同阿媽嘈左鑊勁既．．
之後１５號搞到文要買過部電話俾我添
係２４號係文生日．．第一次同男友過生日．．
送左架遙控車俾佢．．同佢去左沙田燭光晚餐．．
而係２８號去大嶼山玩．．
我仲唔見左銀包．．咁大個女第一次唔見咋．．
好彩多得巴士司機幫我執返．．
但都搞左好幾個鐘先搵返．．不過就唔記左幾百蚊喇
幸好ｄ証件個ｄ全部都係返到．．
七月：
好無聊既一個月．．．
差唔多日日都係去玩ｏｒ係屋企訓覺．．．
係２０號個日同ｄ小學同學去左ｂｂｑ囉．．不過落大雨．．
可惜丫．．
另外２９號同霞姐睇ｓａｍｍｉ演唱會囉．．
其餘日子都冇乜特別啦．．．
八月：
去ｃａｍｐ月啊．．去左兩個ｃａｍｐ．．．
都係同同一班人去既．．．
一個就去西貢．．
另一個係２４，２５去既就去左元朗文屋企過．．
成班朋友勁多人一齊係間細屋到過．．
夜晚一齊ｂｂｑ．．都ｏｋ好玩既．．
另外３０號去左沙田嚼江南見工．．
３１號就係個度返工喇．．一返返８個鐘．．
得２５蚊個鐘咋．．．．．做到死．．．
九月：
頭一星期都係返工啦．．
之後４號跌傷左就冇再返工喇．．
另外有ｄ日子就係太和美心返工．．
起菜．．都ｏｋ既．．應付得黎．．
２８號晚就慶中秋．．ｓｋｙｌｓｔ．．
係海濱拎燈籠影相囉．．．．
十月：
１號我隻老鼠死左喇．．
另外十月十號文上黎我屋企見家長啊．．．
見完之後我就了左件心事喇．．
以後都可以光明正大咁拍拖ｌｕ．．
係２１號同ｍｉｍｍｙ一齊去行街．．
途中傾左好多野．．先發覺好岩傾．．
從此我就多左一個知心朋友ｌｕ．．．
十一月：
呢個月頭都冇乜野既．．
一切都好順利．．
點知到左１１月２７號我就大病左一場喇
我扁桃腺發炎＋發燒＋傷風．．
足足係屋企訓左差唔多４日．．
勁辛苦．．
十二月：
１０號西九龍間鞋店拎鞋．．最後都係俾人呃左．．
但個日我第一次去踩冰．．哈．．好玩．．不過好累．．
１２號ｃｔ聚．．勁耐冇見呢班朋友．．
１７號開始終於返會展炒散喇．．．
２３去ｘ“ｍａｓ ｂａｌｌ．．俾人玩．．
２６號印尼個邊發生海嘯．．好多人死左．．
之後屋企就開始成日見到有人眼紅紅咁．．．
好彩．，，何太冇事．．但姑姐個朋友就唔知ｌｕ．．
唉．．天災既野真係唔知幾時會發生．．
好好珍惜身邊既人吧．．．
３１號我同霞姐晏晝打波．．
夜晚同文&霞姐係屋企ｂｂｑ過．．．．
咁就一年喇．．呢一年經歷既野都唔少．．
但都總算順利既．．
而且好幸運地身邊既人個個都對我好好．．
希望來年個個人都開開心心．．
搵多ｄ錢．．唔駛咁多煩惱啦．．．
係度祝每個人都新年快樂啦．．．！！！
寄望０５年過得更開心啦！！！！！！！
文章定位：
