呢排心情都好差．．ＥＱ好低～不停發脾氣～成日同文嘈．．．
可能身體唔好既關係啦．．．．ＰＫ完之後就成日個人好炆．．．．．
３號～返工～唔係太辛苦．．．不過就見識到Ｄ好扮野既人～
明明職位同其他人一樣咁高咁大～又要扮晒野點人做呢樣個樣～
鬼叫我係新仔．．都費事同佢講．．講乜叉我都“哦，唔該”咁就算～
唔鐘意條友囉～賴勁咁．．．超．．．
返夜．．．做到成１１點幾先收工．．．仲要我做最辛苦個位．．．
唔怪得個個新黎既人都做得唔長．．．唉．．．
算啦．．．挨下啦．．學文同老豆話齋．．．我又唔係屋企等我養．
我鐘唔鐘意做都得既～最衰我又唔想好似冇頭冇尾咁．．
做一陣就話唔做咁．．．挨多一星期先諗啦．．．．．
４號～ｐｋ的日子～返工勁辛苦．．．狂炒場～頂．．
一開始就未停過手～
一做就辛苦到１０點幾．．差唔多收工個陣．．
阿姐拖地～拖我要行ｒｕｎｎｅｒ檔個條路．．
我本身對鞋好“線”．．咁我一路都好小心行．．．
點知最後個檯客上甜品．．．我去拎甜品叉個陣就ｐｋ左．．．
勁痛．．兼超樣衰．．死忍．．．之後扮冇乜野繼續做野．．．
到收工．．打返俾文．．我都未講俾佢知我ｐｋ．．．
佢就話叫我返屋企先打俾佢．．話佢唔舒服唔想講野喎．．．
咁我咪同佢講我有野想同佢講囉．．．
點知佢叫我快ｄ講．．極不耐煩咁．．咁我見到咁就唔想講啦．．
之後佢就鬧我．．話我講講下又唔講．勁惡死咁鬧．．．
咁我梗係嬲啦．大佬呀．我ｐｋ都係想講俾個男友知等佢安慰下我ｊｅ
點知佢就咁鬧我．．咁我咪收佢線囉．．
之後佢打返俾我話佢真係唔舒服．．
咁我咪同佢講返我ｐｋ黎．．跌到成身傷晒．．行路都痛．．
想佢關心下ｊｅ～佢先知我咩事．．之後講講下佢仲收我線．．
覺得我唔講理．．咁我嬲到爆炸啦．．
熄晒ｄ電話囉~返到屋企ｄ屋企ｄ電話都拎起埋~唔想彩佢~
到點幾鐘我先整返我屋企電話．．
佢打黎話我唔聽佢電話嬲佢搞到佢訓唔到．．
咁我咪話我唔嬲．．叫佢去訓囉．．到我開返電話．．．
佢ｓｅｎｄ個ｍｓｇ黎話佢真係病到死．．點解我唔識體諒佢．．
仲要咁對佢．．我好唔開心～我都好想佢體諒我啊～
點解佢唔可以平心靜氣ｄ同我講野丫．．
點解要鬧我丫．．咁我先難受．．．
如果佢心平條和ｄ同我講我地咪唔會嘈囉．．
唉．．．．．．．．
５號～我成晚都訓得唔好～周身痛～腳痛，頸痛，腰痛
文打黎話叫我返工之前同佢一齊食野先～
之後我唔係好想．．驚見到佢同佢嘈嘛．．
咁佢話之前買左ｄ野俾我～但一路都冇機會俾我～
同埋我又真係好唔舒服．．咁咪諗住都返公司請假啦．．
出到沙田見到佢．．佢送左隻叮噹表俾我啊！！
開心到死啊我～我搵左好耐架喇～估唔到佢買俾我喎．．
之後咩嬲既野都唔記得ｌｕ～
ｔｈｅｎ就同佢行街～咁我知佢好唔舒服．．．
但佢都好就我～同我四圍行買高跟鞋～
佢仲陪我去鑽石山買．．佢個樣好死頂．．．
之後我買左對同我之前個對一樣款既．．
只係個鞋底唔同．．哈哈～都係阿文送俾我～
之後買完我就搭７５ｘ返大埔ｌｕ～～
呢日好開心～文病都死頂同我去街．．
雖然我都周身痛．．但有佢係身邊又好似冇咁痛咁既．．．
夜晚好搞笑．．諗住搵ｄ野睇令自己眼訓ｄ．．
點知睇完阿楚日記俾一句野笑到我喊．．
最後成晚冇訓過咁滯．．應該訓左一個鐘掛．．
哈哈哈．．．．．．．．．
６號～開學大日子．．．其實真係晒我車錢同時間．．
我７點就起身啦．．．成家都起晒身．．
之後同阿楚８點半左右係大埔墟食早餐我先返學
楚佢就去ｏ ｃａｍｐ～
點知楚去錯隔離餐廳．．搞笑．．．哈
之後搭巴士返學～好耐冇見過ｄ同學仔～ｄ樣都冇乜點變丫～
之後入課室坐左好耐阿ｓｉｒ先開始講野．．
點知原來返去晒氣的．．派左ｄ野就走得．．
之後我就同班同學仔去譚仔食米線．．．
俾個死仔忠噴．．．激死我～之後食完野我就會阿文
諗住同阿文行一陣西九龍之後就去旺角會阿文ｄ朋友．．．
點知係西九龍個陣．．咁我見文冇咩野講．．．
咁我咪係咁咩無聊野都講囉．．等佢理下我嘛．．．
咁我行到間鋪頭播收音機講緊ｄ電影票房．．
咁我咪講笑咁話去睇戲囉．．．
點知阿文勁惡咁鬧我．．話我知唔知而家幾點．．
明知佢約左朋友仲話去睇戲．．係真係勁惡咁鬧．．
跟本我就係講下之嘛～我一早預左陪佢同ｄ朋友一齊既．．
冇啦啦俾佢係商場到咁鬧．．真係火都黎埋！！
咁我咪發脾氣走囉．．佢仲要覺得我係唔講理喎．．
冇啦啦搵野黎嬲．．大庭廣眾拍戲咁追逐喎．．．
我跟本就冇興趣係大街大行玩．．．
係我真係好嬲！！我唔知點解佢個刻會咁．．
個果完全唔似我識既阿文．．．
之後佢自己搭地鐵去旺角～我就自己搭小巴返大埔～
本身諗住同芷出去．．點知佢又俾佢ｆａｋｅ左野～
佢唔同我出都打個電話黎丫～搞到我係屋企等佢電話．．
唔開心＋唔開心．．結果係屋企發癲！
阿媽搵人煮野俾我食．．我就係屋企呆．．．
到夜晚咩電話都唔想聽．．．到７點幾心情先好返ｄ．．．
之後先肯聽電話．．文打黎道歉～佢可能食得多西藥．．
搞到個人好煩躁～同埋呢排理力大～做野辛苦啦．．
先對我咁．．佢應承左唔會再咁鬧我～
咁我知我走左去都係唔岩．．ｓｏ．．當冇事囉．．
雖然都嘈左一陣．．哈．．．．
我地兩個性格都幾硬頸同火爆．．
不過好彩我地兩個嘈咩都好．．文都會係主動搵返我～
唔係我諗我地兩個真係會成日好似火星撞地球咁
哈哈．．佢應承我既野都算做到既～～
７號～鬼咁早同媽子返大陸～
因為我跌傷左我老豆話香港ｄ跌打冇用～
叫我返大陸俾個穴位按摩師傅整．．．
咁我同阿媽就１２點幾去到啦～勁驚囉我～
唔知做乜鬼成街ｄ大陸佬係咁望住我．．．
痴痴地．．之後即刻入間野度．．．
按摩搞到我不停叫痛．．仲痛到喊出黎．．
因為個師傅話我跌倒搞到拉傷左右邊身既肌肉．．
搞到入面ｄ根都都發炎．．所以先會咁痛．．
按左３個鐘先完．．我起碼痛左２個半鐘．．＞＿＜
不過整完真係冇之前咁痛．．好好多．．
之後就返大埔ｌｕ～因為我唔鐘意係大陸行街．．
好冇安全感啊～仲有啊～係車度見到ｄ人過馬路真係好恐怖．
就算係綠燈過都會係另一邊有車轉過黎～
ｄ交通燈都廢既．．唉．．唔怪得之咁多意外啦～
今日冇乜發脾氣．．因為大部份時間都訓覺．．．哈
不過我諗呢排我同文都ＥＱ好低．．．
佢食西藥食到燥．．我就ＰＫ周身痛好燥
都係少Ｄ見好Ｄ．．．．哈．．
Ｐ．Ｓ 好好笑．．個次去街買返黎盒叮噹ＵＮＯ得藍色同綠色．．
唔怪得之咁平．．又俾人呃左．．晒左錢．．
Ｐ．Ｓ２ 張相就係隻叮噹表．．係咪好靚呢？哈
文章定位：
