好耐又冇打日記喇～一次過打返晒咁多日既野先～
呢排一係出街～一係就係屋企係咁對住部電腦～好悶啊～
仲日日訓到鬼咁晏～哈～勁啊
星期六（１７）文放假～同左我去睇蜘蛛俠～點知個死仔遲左～
搞到睇遲少半個鐘～睇完戲我地就四圍行街～
入元朗度執野拎信～之後就返大埔ｌｕ～
星期日（１８）我訓到好晏～之後入藍田搵阿文～
點知佢同佢家姐一齊行緊街～佢又唔早ｄ同我講佢同佢家姐一齊～
次次３個人行街我就唔知點夾佢地～又冇野講～
傾ｄ野又唔岩～睇ｄ野又唔岩～
但文同佢家姐就好夾～一陣又可以講下屋企ｄ野～
一陣又可以講下佢ｄ朋友ｄ野～
但我又完全唔明～又冇得插嘴～唉．．
文仲要覺得我唔岩～應該要扮下野睇
點喎而家～係我過黎搵你～你又咁對我～好過份囉～
只係顧佢家姐感受～又唔見佢顧我感受～
我都盡量去夾架啦～咁我同佢家姐真係差太遠嘛～
年齡都差一代啦～點可以一時之間鬼咁投契喎～
仲要咁對我～！激死～以後佢同佢家姐去街我就唔去～
費事又俾佢話啊！
星期一（１９）晨咁早返學校拎成績表～
我今年Ｄ成績都ＯＫ丫～起碼全部合格～
唔駛重考～呵～拎完之後同阿文去唱Ｋ～
唱完Ｋ就行下旺角睇貓貓～之後上藍田同咪咪玩～
玩完就返大埔喇～不過今日之後我就起碼一星期見唔到我男朋友ＬＵ～
因為佢黎緊個星期都好忙～＞＿＜
仲有啊～今日係我好朋友霞姐既生日～
我１２點個陣諗住ｓｅｎｄ電話ｍｓｇ俾佢～
點知我將個ｍｓｇ ｓｅｎｄ左去我男朋友度～
鬼叫佢兩個果電話號碼咁似咩～哈哈
星期二（２０）呢日我約左班小學同學去ＢＢＱ～
真係好耐冇見過佢地ＬＵ～我同寶儀兩個一齊入大尾督會返佢地～
班男仔咁多年都係咁～冇乜風度既～~.~但ｄ樣就變左好多ｌｕ～
佢地自己開一個爐～之後我同班女仔又另外起一個爐～
不過最衰天公不造美～係我起緊爐個陣落大雨～
激死～即刻租遮～鬼咁麻煩～仲搞到成身濕晒～
好彩個爐最後都起得成～呵呵～
ｂｂｑ緊個陣我見到好多貓貓啊～好細隻～
我燒好多野食俾佢地食～呵～真係好可愛架～～
燒到後段時間～又落大雨～不過因為租遮既時間過左～
搞到我地搵左個地方坐低～我地成班人坐低影下相～
傾下計～傾返以前小學ｄ野～估唔到大家仲記得以前小學ｄ點點滴滴～
真係好開心～又搞笑喎～咩都拎返黎笑～傾到差唔多１１點～
開頭提議上水霸～不過又黑又落雨～
最後都唔去ｌｕ～之後我地成班一齊搭小巴走～
有ｄ驚冇車就返屋企先～其他同學仔就一齊去大中食糖水～
食完糖水我就同寶儀同方正搭的士返屋企～
哈哈～呢日真係好開心～見返咁多舊同學～我知道人愈大～
同以前既朋友見面既機會就愈少～好彩我地最少２年都會有一次聚會～
大家先ｋｅｅｐ到咋～而且我同好多小學同學都仲好岩傾岩玩～
可能始終大家唔經唔覺都識左８至１２年喇～
大家係點既性格都好清楚既～我真係好開心有呢班朋友仔！
唔知幾時會再見呢～不過因為呢次聚會～
我都同好多同學仔又有返聯絡～
仲諗住大家多ｄ出黎食下飯～傾下計添～
好野！話晒大家都住大埔丫～
其實約出黎都唔係好難ｊｅ～
希望之後見多ｄ佢地就好ｌｕ～
星期三（２１）呢日我真係開始返我暑假既懶人生涯喇～
我訓到成４點先肯起身～哈～勁呢～
呢日６點我約左霞姐同阿芷食飯～
因為１９號係霞姐１９歲女生日～
咁要同佢補返慶祝～同埋撞岩今日阿芷放假～
我地係寶湖田舍食飯～阿芷好慘啊～
係個度俾蚊狂咬～痕死佢～唔知佢而家好返ｄ未呢～～
諗諗下應該同個老闆講聲～
等佢知道嘛～噴ｄ野～等下次ｄ客唔駛中招嘛～
食完飯我地行左一陣大中～
仲係吉之島掃貨添～哈哈～
唔知點解～我總係覺得同佢地ｄ關係好似生疏左～
可能真係太少見啦～同埋而家都少左好多傾電話～
不過唔緊要啦～最緊要大家開心ｊｅ～
夜晚我上網個陣仲發現左我星期二買既六合彩中左～
２０蚊～～哈哈～咁大個女第一次中咋～開心死～
今日仲係我正式踏入１８歲半ＬＵ～
仲有半年就１９歲～希望黎緊呢半年會順利啦～～
學有所成啦～～～哈哈哈
星期四（２２）同王曄歡李淑儀去左唱ｋ～
畢業之後都冇見過佢地ｌｕ～唱完ｋ之後我就送佢地去搭車～
最可惜唔記得左同佢地影貼紙相～算啦～下次有機會再影先～
之後我就自己去左九龍塘搵阿楚～
因為楚自己一個係九龍塘搵工～咪過去陪下佢順手行下街囉～
行左一陣就返大埔ｌｕ～
呢日都好開心啊～因為我呢日輕左４磅喎～
阿文應承我每輕５磅就送一份小禮物俾我～
唔知我收唔收到呢～～哈哈
星期五（２３）好早俾人嘈醒～因為有人上黎執屋～
於是我過左阿媽間房訓覺～一訓就訓到３點ｌｕ～呵
今日冇街去啊～全日都係屋企～除左落左一陣街買雪糕食之外～
係屋企就睇神鵰俠侶～今日我終於睇晒喇～哈哈～
黎緊又煲第二套先～今日知阿楚將阿文真正大我幾多年講左出黎～
其實初初講個果數字係文起初呃我既～
到後來我先知事實～不過又費事更正～
同埋我見ｄ朋友好似成日拎黎笑咁～
俾佢地知道左差咁遠咪令我同文更難受～
ｓｏ我先諗住繼續呃住～點知楚講左出黎～
算啦～唉．．．．
始終個男朋友係我揀既～其他人要笑都冇計既．．．．
唉．．．．．．．．．．．．
ｐ．ｓ．今個星期１９號係霞姐生日～
～希望佢大一年又靚ｄ又開心ｄ～快ｄ搵到個好男朋友啦
２３號係我一個識左８年既小學好同學ｖｉｅｎ １８歲女生日
係度都同佢講聲生日快樂～一年開心過一年啦～
文章定位：
