星期三(23)～
同雪楚去左沙田睇木馬屠城～好好睇啊～正！！
之後同佢地兩個行左一陣沙田～差唔到５點雪要去返工比賽喎
我同楚就自己又行左一陣～行到文打俾我話佢收工我地就返大埔～
我就去左同文係大埔寶湖食飯～同埋俾份生日禮物佢～
星期四(24)～
區先生生日～係１２點正既時間我先俾佢拆禮物～
佢都好鐘意份禮物～好彩～哈～
之後１１點幾我就同魚雪一齊上楚到搞所謂既大食會～＝＿＝
我地係廳睇真的戀愛了之後係房傾下計～
都６點左右先走～之後我去沙田同文食飯慶祝佢生日～
不過搞到似我生日多ｄ～，～ａｎｙｗａｙ～
都係度祝阿區先生生日快樂～開開心心啦～
星期五～好乖～全日都冇出街～係屋企執屋
星期六～都係好乖～去左返工～勁輕鬆既一日～白賺人工～
星期日～係屋企悶到傻左～到７點文收工我心血來潮要食泡飯～
我就同佢去左葵芳食～之後行一陣街～
星期一～好早起身～因為同文去大嶼山玩～
我搭９點８班３０７去到碼頭～
霞姐同我一齊搭～咁岩佢都要９點幾出中環～
之後同文搭左半個鐘船～再搭一個鐘車去寶蓮寺～
四圍影相同埋行上天壇大佛～超熱同埋勁曬～
之後我係大雄寶殿求籤～求到支上籤啊～話我會好好運～事事稱心～
之後我地搭巴士返東涌～係車到見到個女仔嘔～搞到我落車都頂唔住係咁嘔～
之後行左一陣百佳諗住搭地鐵走～點知文入左閘之後我先發覺我唔見左個銀包～
我即刻跑返東涌商場叫個度ｄ職員問一問有冇人執到銀包～
之後又係洗手間搵～再返百佳搵～
因為聽商場ｄ職員講話百佳成日都有人俾人偷野～
搞到我勁炆～但諗諗下我返東涌之後就冇拎過個銀包出黎～
點係商場搵都冇用啦～咪又跑返出搭車個度問ｄ司機囉～
ｄ司機幫我ｃｈｅｃｋ返我係搭邊部車黎～咁就搵返果架車～
點知我遲左黎～班車岩岩去左大澳～
咁我唯有係度等個班車係大澳到站之後通知個司機叫佢幫我搵一搵架車有冇啦～
我係車站到等左半個鐘左右～個陣未有消息～
我真係好唔開心～好驚唔見晒ｄ証件同ｄ相咭之類既野～
諗諗下忍唔住喊左出黎～
文又覺得好小事咁～話冇晒ｄ野咪補領返囉～但我真係覺得好唔抵嘛～
好彩～個司機打返黎話執到～但入面就只係剩返２０蚊～
身份証就仲係度～
咁幫我通知個班司機就叫我６點再返車站等部車返黎俾返個銀包我～
好開心～去到巴士站見到個司機拎住我個銀包落車～
嘩～簡直我想發癲～失而復得個種感覺係真係好唔知點形容～
見到個銀包明顯地俾人“炒”過～好心“ｕｐ”～
但好彩ｄ証件所有其他野仲係度～
而話我銀包剩返個２０蚊就係有我生日日期褶個果心心～
而ｄ錢就冇晒ｌｕ～唔見左３００蚊左右啦～
當買過教訓～下次小心ｄ～
同埋諗返都算好彩～起碼只係唔見錢丫～
唔知支上籤算唔算準呢～哈～
算數～今日整體上今日既心情真係大起大跌～
不過今日我真係幾感動～我唔見野ｄ朋友仔打黎安慰我～
文係落車時個一刻做既野亦令我好感動～ｔｈａｎｋｓ～～～～～
文章定位：
