終於返學喇～不過返學第一日首先我同Judy Debbie返左會展還晒D証件同搵PILL影相及派相～著住SUIT返會展個感覺好奇怪啊～不過冇所謂啦～我地大約係會展逗留左一個鐘多Ｄ～我地就去左哈迪斯食晏晝～嘩～我勁耐冇食過哈迪斯喇～不過點知我因為之前食Ｄ野比較清淡～搞到食完Ｄ炸雞個肚鬼咁唔舒服～唉～我同婷婷搭９０５返學～遲左半個鐘有多～哈哈～～好耐冇見過Ｄ同學仔喇～好掛住佢地啊～有ｄ肥左～有ｄ瘦左～有ｄ爛口左～有ｄ成熟左～總之好似個個人都有ｄ唔同左咁啦～見返個感覺好開心啊！
上左２個鐘堂之後～我就去左旺角等埋文一齊行街～我地去左睇狗仔～哈～我都係鐘意貓多ｄ～行左一陣去左食日本野～食野個陣見到ｄ人好冇家教～唉～點解香港咁多咁野蠻既人～破壞晒ｄ食飯氣紛～食完飯就文帶左我去行廟街～
我咁大個女都未行過廟街架～哈哈～原來真係好多特別既野買架喎～最後買左好多手圈～幾得意～
我發覺文真係幾鐘意ｄ古靈精怪既野架喎～搞笑～
１０點返到屋企～睇修身堂個專輯～
嘩～個女仔減左４１磅之後好靚呀！
睇完之後更加心郁要努力減肥！！夜晚同霞姐傾電話傾到成點鐘～好耐冇同個死婆傾計咯～開心ｄ啦！寄情於讀書吧～唔好理咁多野喇～
返學第二日～８點半返電腦堂～我成９點４先返到班房～點知得兩個人係度．．哈哈～勁啊～上完電腦自己去左恆生幫文入數～之後上英文～悶死左啊！！ｌｕｎｃｈ好多人都走左～唔想ｅ１００～
咁少人就係ｃａｎｔｅｅｎ食～
好耐冇食過學校ｄ野～好似好食左咁．．哈～ｌｕｎｃｈ好悶啊～係咁搵人傾電話～哈～佢地打麻雀我又唔識打喎～冇計啦～真係冇天份學～
今日上ｅ１００我留心左啊～我同自己講我要開始努力讀返書！唔可以再成日掛住傾計架喇！放左學原本諗住等阿文～但佢放遲左～唔鬼等ｌｕ～鬼咁累～自己返大埔～返到大埔係大中自己行左一陣～買左好多野！駛左５００幾蚊～勁啊！哈哈～好啦～由聽日開始我要努力減肥！俾心機讀書！如果今次減肥減唔夠１５磅～我就以後都唔減！放棄算數！！！！！因為實在失敗左太多次！
各位！睇住黎丫！我今次要減得到！呢個月唔好叫我去食飯食甜品住喇！哈
ｐ．ｓ
雪＆魚～我而家開始會ｕｐｄａｔｅ得密ｄ架喇～我諗我呢個台唔駛執住既！
芷～拎得起～放得低啦～睇住你咁我好心痛架！忘記啦～太執著唔係一件好事～邊個分開都要學識放得低架啦！有經歷人先會長大架嘛～咩事都好！我都會支持你架！
霞姐～小心身體啊～你病冇人俾我串我會唔開心架～哈！
文章定位：
