因為之前upload唔到~so呢篇日記係好耐之前既~~~
時間過得特別快啦～呢星期(3月6日至9日)心情都幾奇怪～有時可以好鬼死開心～但又時又極唔開心～死啦～我諗我就黎人格分裂～
哈～不過不嬲都好似有少少～
星期六(3月6日)放假同左霞姐去睇性感都市～幾好笑丫～之後我去左個朋友屋企玩狗狗～佢隻狗好得意～好搞笑架～講起都有ｄ掛住佢隻狗狗～
ｓｏｒｒｙ啊霞姐～搞到你咁悶添～＞＿＜
星期日(7號)就返工～第一次返夜呀～不過今日首先返去個４個鐘都係企～頂～做乜鬼成日要我做知客ｄ野架！點知冇人黎～我白企４個鐘～簡直悶死左！之後就返ＣＨ做雞尾酒會～哈～今日係旭日集團周年晚會～見到好多明星呀～鄭希怡真人都唔靚既～３Ｔ另外兩個反而靚Ｄ～成龍就著到閃晒咁～好嘔心呀～成龍冇啦啦對住我笑～嚇鬼死我～哈哈～即走．．．
之後ｄ人入晒ＣＨ～我就跟ｃａｒｏｌ整宵夜～今日既佢超好人喎～教我好多野～整晒ｄ野就閃左入廚房傾下計～抖下～之後等到差唔多１２點就收工～點知我走個陣唔記得左簽走～頂～換好晒衫又要換返衫上去簽多次個名～激鬼死我喇～收工個朋友送左個銀包同埋一件衫我～好感動啊～哈
之後成點鐘先返到屋企～我屋企人發晒癲係咁鬧我～話我夜返～
關我鬼事咩！咁公司要我返夜～我梗係要返架啦～鬧我做乜喎～鬧埋ｄ野大部份都唔關我事既！話我返左公成日嗌累唔幫屋企手褶衫～頂～我幾日返晏ｄ衫咪又係全部我褶！又話我成日夜返～１１點幾１２點先返～頂～邊有呀！我之前點都係１１點前返到屋企啦！講得就講！真係好鬼嬲！但我又費時出聲同佢地嘈～如果一嘈我肯定成晚都冇得訓！之後由佢地係咁鬧～真係好炆～又時佢地真係可唔可以企係我個邊諗下呀～返得夜就叫我唔好做～唔好讀～佢地有冇諗過呢個實習對我黎講幾重要呀！話唔讀叫我直頭出黎做野！我憑咩有人請呀！我讀呢科都係想有經驗～將來出黎做野搵工易ｄ ｊｅ～我之前都搵過工～都知自己實力唔夠～唔係我駛鬼做得咁辛苦博我公司寫我份報告寫得好咩！佢地只係知道令佢地唔鐘意就叫我唔好做～有冇諗過如果我真係唔做對我將來有幾大影響呀！老豆話寧願繼續養我，有冇諗過到我成２０歲女我仲要人養我幾樣衰呀！出黎做野俾人問起點解過唔到實習個關我點答呀！其實我入得呢一行～都預左會夜返架啦～駛唔駛發晒癲咁鬧我呀！叫我返去同經理講～我即本試下～如果唔俾我真係冇辦法～真係寧願死左去！！！！！！！！！！！
星期一(8號)去左拎身份証喇～哈哈～終於都有成年人既身份証喇～嘩哈哈～我終於大個女喇～ｙｅａｈ～～～～～之後去左個朋友屋企整野食～哈
星期二（９號）都係返夜～今日忙好多～做２０１～今日係做跳舞晚宴～幾搞笑～
開會個陣個掃把竟然冇啦啦同ｄ部長講起我地班ｔｒａｉｎｅｅ～
為我地出頭～話我地係ｔｒａｉｎｅｅ係黎學野～唔係黎做野！
唔好俾咁多野我地做～又話俾班部長聽要教我地野～因為我地乜都唔識～仲話我地要交份報告上人事部～學左ｄ咩跟過邊個都要寫出黎～如果我地乜都冇學過佢地就大鑊喎～哈哈～之後仲話我地得２５００個月～唔好迫我地做咁多野添～好開心～終於有人幫我地開聲喇～之後我跟個果部長好似明串我咁～話去食飯駛唔駛教埋我食～頂～我出聲叫掃把話你地架咩～不過算啦～起碼佢真係對我好左丫～哈哈～
ｐ．ｓ～呢星期好多謝咁多朋友對我既關心同支持啊～
我已經冇咩事架喇～
呢ｄ野實會經歷架啦～我識面對架喇～
special thank【skylst】~【jenny】~【芷】～
多謝晒你地呀！識到你地呢班朋友真係我既福氣呀！！哈哈
仲要多謝既係ｓｔａｎｌｅｙ～多得你識諗～我良心先好過咋～
我地永遠都會係好朋友黎架！
文章定位：
