又好耐冇打日記喇~因為呢個星期去左實習~忙到冇時間打~係我而家因為聽日放假先得閒打咋~睇黎我之後d日記都係要等我每星期放假打架喇~
好啦~就由我第一日返工講起啦~
16號(一)返9點正，約左其餘4位trainee一齊8點半係灣仔地鐵站等埋先去返工。返到會展，首先行去人事部填合約及拎文件。之後就四圍參觀主要我地平時必需去的地方，再去見f&b manager，之後就開始工作喇。
我被分派到去演講廳企左一陣，之後就跟一個知客叫cherry既女仔去拎花，
要去到勁遠啦~出埋會展去到海景嘉福，嘩…..勁多玫瑰花!!!!!!!!!!
成92盤紅玫，之後仲有其他黃色，白色，粉紅色既玫瑰，成百幾盤!!
推到勁遠，會展又超大，行來行去真係累到死!!!!!!!!!!新舊翼兩邊係咁走!
之後搞完就食飯，d餸唔好食既!好彩有雪糕食，都叫有d好野食丫!
之後就又跟cherry整menu，整完我就跟另外兩個知客去grand hall~
嘩~~~超大囉~今日擺左88圍，我放晒d花同menu上檯，之後又整草整花~
搞左88圍出面又要整，點知我去洗手間~俾個我跟既知客唔理我!!
搞到我係grand hall跑左四五次搵佢!之後搵到佢~佢又搵第二個~又係咁係grand hall走黎走去!計埋set 場，足足係garnd hall走左20轉有多!!!!!!!
之後搵返之前另外個果知客~佢又點我去整花瓣，點知佢個阿頭見到問我做咩，我咪照老實講囉，點知個阿頭話佢亂點我，話左佢地，搞到我好似冇啦啦累到人俾人話咁，好衰~
之後搞掂晒我就跟返個captain Tomas 佢係c hall~
我又唔識去.又麻煩人帶我去，之後係後行坐左一陣，撞返阿lok，
到左5點半因為太多散工返左工，變左我同阿lok可以提早左收工，
5點半我就同阿lok返f& b office簽名收工喇~
17號(二)~放假~全日係屋企訓……….哈
18號(三) ~今日返9點~首先跟captain tien去整茶水~之後就做茶水~
做完食飯~之後去左抹分匙~之後又係整茶水~搞掂晒之後就去左幫阿bens~
同埋婷婷一齊做野~有間大學搞畢業典禮~係咁拎住d野四圍問人要唔要~
點知俾婷婷撞到~搞到倒潟汽水~搞到個長工好不滿我咁~唉…..
本身今日好開心架…..有個長工話我醒~點知後尾咁~真係乜心情都冇晒~唉~
19號(四)今日去左做小食亭~係hall5~又係跟tomas~做教育及職業博覽~
冇乜特別~全部好似做快餐店咁~
20號(五)又係做小食亭~不過今日跟dicky~唉…..呢個captain好唔掂~
不停蛇皇~唉……..佢心情唔靚仲俾佢話左兩句…最慘就係開始病喇~
係咁傷風…晏晝仲成身慶晒添……..唉
21號(六)都係做小食亭~都係跟dicky~不過今日佢心情好靚~
冇乜發火~so我總算順利度過~係病病地辛苦d~
22號(日)職業博覽最後一日~我就做小食亭既最後一天喇~
今日返工前等男友~佢知我病又煲左粥俾我食~之後我就趕返工喇~
今日跟willson~佢都好好人~不過佢病左,我不斷叫佢去訓覺…哈哈~
可能d野做左咁多日熟左~冇乜特別~其實做小食亭雖然唔辛苦~只係要企成日~但係有得打貓~又冇咩人管.都幾好既…係悶d je~放工男朋友接我陪我搭車~
唉..我發覺我同佢愈黎愈少時間相處~佢俾我既感覺又開始陌生…….-.-
23號(一)今日返7點~簡直殺左左我咁滯~我要成5點鐘起身~天都未光就要搭最早班車喇~唉…..今日係我返工咁多日以黎最辛苦既.因為我跟住全公司最勤力既人~TOMSON~嘩.佢好勁呀……全日係新翼舊翼兩邊係咁走黎走去……..
做野未停過…又係咁搬野…..好辛苦…人地叫佢做咩佢都照做…唉~太好人喇佢~
搞到我都要陪埋佢一齊好人係咁幫其他同事做野….唉….做到3點~我又要做CB~之後因為D客遲左.搞到原先有3點9開始既CB變左成4點先開始……
我又OT左一個鐘喇~今日雖然跟住TOMSON好辛苦~但我知佢好好人~
咩都係教我~仲差唔多帶我行晒成個會展~連D後行都行晒咁滯…..
起碼俾個機會我去認得D路丫..哈哈~
好~寫住咁多先啦~好累.係時候訓覺LU~~~~~~~~~~~~
希望其他同學仔實習得開心啦~~~~
PS~雪~你懶就不嬲架啦~而家先發覺?????唔係BOR~應該係而家先反省先岩..哈哈~咩令你突然間作出咁大反省呀??因為耐冇見我呀?哈~掛我掛到傻左呢??????
魚~咩靜呀???有你係度會靜架咩??????????哈哈~
文章定位：
