好多日冇寫日記喇～好懶～唔想打野咁～
可能因為呢幾日都好黑仔～個人都冇乜心情～
係得２７號個日叫開心～因為個日上阿楚屋企同阿楚預祝生日～
成班人嘻嘻哈哈～咩都笑餐死～癲晒咁～好正～
２８號同STANLEY去左環球嘉年華～都好正既～有隻大公仔～哈
阿楚１８歲生日快樂～ｓｋｙｌｓｔ有３個人成年喇～
２９號就成日冇所事事～夜晚同屋企人打邊爐～
３０號就全日係屋企執屋～換床單～
呢幾日唔知點解好鬼黑仔～想要個樣冇個樣～又成日開口講錯野～
做乜都唔如意既～好憎自己呀！！！！
今日３１號晨早去會展見工～
嘩．．填完ｆｏｒｍ之後齋坐個幾鐘等ｉｎ喎～
悶到死人咁滯～之後ｉｎ就６個一齊ｉｎ～ｉｎ左鬼咁耐～
我冇乜點講野呀．．好似啞啞地咁～平時吱吱喳喳架嘛～
但今日叫我講野又好似唔知自己做咩咁～
連中文有時都好似唔知自己表達乜野咁～
何況英文～唉．～激ｑ死我喇！！！！！！！真係好鬼憎自己～！
咁尋日約左阿楚今日睇ｐｅｔｅｒ ｐａｎ～特登出去中環睇英文版！～
咁我都冇諗過我見工見咁鬼耐～由９點４去到見到成１２點！
癲癲地架！我開頭諗住見到１１點半咩都見晒啦～
阿楚ｓｅｎｄ ｍｓｇ黎同我講話１１點４黎到～
我諗我實趕到啦～點知見到咁晏．．．
搞到阿楚白等我成個鐘～超唔好意思～ｓｏｒｒｙ！！！！
生日又要佢等我～同佢睇戲又要佢等我～講真～真係好內疚！！
真係好討厭自己呀！！！！！！！
好彩套戲好好睇丫～而且間戲院Ｄ位好鬼舒服～
之後睇完stanley黎搵我～諗住陪我一陣之後佢去返工～
點知又搞到冷落左阿楚咁～阿楚又想就我叫我陪佢～
佢又叫我陪阿楚！究竟想我點呀？
我真係唔想令到任何一個人唔開心呀！！！！
愈黎愈憎自己！！！點解咁喎！！唔開心～！非常唔開心！
但我又唔想自己係度發脾氣！！仲令人唔好過～
之後我咪唔理stanley同楚返大埔先囉～
雖然楚同我講佢冇野～只係眼訓～但我點都覺得係我既問題囉～
唉～返到屋企諗住心情會好返ｄ～點知頂！！！！！！！！！！！
我阿媽係度點我做呢樣做個樣！！！晒衫又跌左ｄ衫落地！！
搞到ｄｉｒｔｙ晒！！！！點解我樣樣野都唔順利架！！！！！
極度討厭自己！！！
唉．．想喊～但講過大個女唔可以俾自己喊架！！！！
我要忍！！！！！！！！！！
ｐｓ.thx 阿魚~幾時做左我既發言人架????
阿雪~你真係好有問題bor~咁你都諗到~~~阿魚成日都死架啦~
不過死極都死唔去之嘛~
文章定位：
