SeSe（洛希） 幸福．．．都不會屬於我的

9愛的鼓勵 0訂閱站台

其實...我知道...我要忘記...
我知道...我現在不能
但是...我會努力...
多謝你..同我講呢番說話鼓勵我、支持我

睇完你既新聞台,講真...我覺得你真係好蠢!!!
個男仔有無好到值得你為佢傷心甘耐??
如果佢真係甘好,就唔會唔顧你感受,腳踏兩條船啦!!!
你長情又點?佢會感動咩?
佢之前對你好又點, 而家係咪仲對你甘好??
如果無,甘你為咩傷心????
唔好甘傻,清醒下啦!!!
你既事係值得同情,
但係如果你係因為呢件事而繼續沉落去...
甘就係你自己抵死....而唔係人地害成你甘
你個fd 係衰,但係你ex仲賤...
知係你既最好朋友仲同佢係一齊,
佢做得甘,就知佢係咩人,好極有限啦!
如果佢係有返些少良知,係好仔ge,
會甘對你咩????係愛你既,就唔會傷你甘深啦!
甘樣折磨你,佢仲有咩地方係值得你鐘意????
無左愛情,唔通就唔可以再開心甘生活???
其實你應該好清楚,如果佢對你係仲有心ge,
佢就會係同你個fd 分手之後再搵你啦,
但係佢有無?如果無既,
甘就知你地之間已經唔再係第三者介入既問題.....
而係佢已經唔再鐘意你!!!
無左愛情唔代表無左一切,
以前大家無愛情既時侯咪一樣係甘堅強生活,
點解而家試過愛情既滋味後反而唔識得堅強???
其實.....我都試過比我最好既fd搶過bf,
我唔同你,我憎我fd之餘,我更憎我ex-bf,
正如上面所講,如果佢係仲有些少鐘意我ge.....
佢就唔會用呢種最傷我既方法呢對我...
當我知道佢同我fd係一齊時,
最狗既係,佢仲要避開我,連解釋都無.
佢之前對我係真係好到無人有,
但係甘又點?都係"以前"既事!!
所以,我真係唔想見到你為左個甘既人浪費甘多青春!!!
當日,我傷心,難過,但係好快我就醒,
明白一個甘既人唔值我為佢做甘多野....
佢果時同我個fd係一齊時都有間中打電話比我,
對我忽冷忽熱,愛理不理.....
到後來佢同我個fd分手,都係甘對我..之後我就清醒..
終於睇清佢係咩人!!!
到而家我都係無bf,就算無人要,我都唔會再揀返佢!!
佢今日可以對我甘殘忍,第時都一樣可以再甘對我!
一次不忠,百次不用!!!
以過來人既身份想同你講聲,
唔好再等佢啦.....佢唔值得你對佢甘好,傷心甘耐
比自己好過d啦....

談到這裡, 真的想跟你做個朋友...
ha...
想起都很好笑...
你說的事...
我都經歷了很多...

http://www.wretch.cc/blog/cwyuni&article_id=1678935
很適合你看的
我寫的字不能讓你看出來嗎(枉我寫得咁文雅)
唉.....
怎樣說才好,我也同我ex分手快三個月了
不知是我不太喜歡他還是怎樣的
生活依然,是會有點失落
不過會明白他不是我的
不能強求,不合適再一起只會令兩人都痛苦
看看那個網說的吧
不過若果你都係不能改變"不和他一齊,我就無將來"的想法,我說再多也沒有用
或者你真係想會等下再等下,他就會回來你身邊,永遠守候,保護你的.不過事實你不是看不到,
看不到也能想到吧,你們即使真的再一起,你能不懷疑的同他一起嗎,你不會變得草木皆兵?
(相信這樣的話你的fd大致上也都告訴過你了)
你想點?你真的想同他一齊?不介意他對你不好?
唉.......
你都話一個女人不能放太耐,那你仲係到等咩?
你其實都心水清啦!同他一齊一年都應該可以猜到他是不是想同你一齊?同他初時追你的態度一樣嗎?

自問啦,你地真係能回到過去?
若果是浪費3,4,5,6年去同一個最終都係多數唔同你有結果的人一齊,不如俾自己早d一個適應期去接受或者重過新生活的時間.
不要再想過去和他的美好了.
他若果係悔過早就搵你哄番你啦
哂等你重係自己一個死埋一邊,係到自怨自哎?

我講d咩都係屎啦,你睇完咪又係念佢幾時先打俾你.
話你又唔係,唔話你又唔係(我都明分手係痛苦,仲要係你仲鐘意佢時,佢同你分,不過係經歷黎嫁,)
作為一個人,俾自己開心d啦,人生在世短短幾廿年
你唔係打算咁浪費呀
唉.....不過其實我都冇咩資格好話人
只不過想講d野你知(同提醒番我自己)

共勉之

我地冇同居...
我成日同自己講唔好搵佢, 但係自己偏偏又搵佢....
成日好驚冇左佢...
我係一個非常冇自信 ge 女仔
我亦都係中國人
中國女性有一個觀念, 就係希望想好好咁揀一個男仔
淨係拍一次拖, 就可以同佢一生一世
我係呢種人, 我所有屋企女性都係呢種人...
你係男仔定女仔?
如果你係男仔~~我想知究竟男仔會點諗?
係咪知道有一個女仔等緊佢, 佢就唔會去珍惜?
如果你係女仔~~咁你話俾我知, 我仲可以點做?
同佢分左手之後, 我曾經有一段日子有厭食症同憂鬱症...
我越唻越覺得自己好似有精神錯亂咁...
只要我一諗起佢, 我就好容易喊,
有時連自己情緒都控制唔到...
個個都同我講, 我而家好年輕, 唔駛驚冇
但係佢地有冇諗過我生活圈子真係細?
我覺得我自己唔年輕了...
女性 25 歲已經叫開始老
過多一個月多d, 我 21 歲 la~~
距離真係唔遠....
但係...我真係放唔低呢個人...
我都想忘記佢~但係越忘記佢, 我就越諗佢....
我有諗過換電話號碼, 但係做唔到
好驚我會後悔
有冇睇楊千嬅"天生一對"?
有一段講楊千嬅唔肯cut call 台...
我就係唔敢 cut 電話number
會諗, 佢會唔會有一日會打返俾我?

他們是同居的,所以我的fd離開她也要搬好多野
其實同居的會好難分手的(你和他分前是同居的嗎?)
若真的分手了,就好似好難...再...
我聽聞到的是她gf沒太做什麼的
因為我的fd之前都有前科
所以她.......我也不知呀

都唔知點話你好,見到佢又唔叫佢,之後又要打俾佢知
話佢知你無叫佢,為咩?
重要feel到佢溝第二件
算啦,咁樣既男仔有咩好
係鐘意你就一早同佢之前果條分左就搵番你,追番你啦
如果唔係等咩啫?
不過係咁嫁啦,唉....鬼叫你鐘意咩
唯有你追佢囉,你係中國人嗎?
是的話,就發揮下你祖先孫先生的精神囉
若果第十一次都唔成功,到時可能你都想清楚
"天下無芳草","不要為左一棵樹,放棄整個超大森林"的道理呢~

你那個朋友的女朋友怎樣做?
男的才回頭?

我真的認為他是覺得欠了我
所以才打電話給我
早兩天, 我看見他
但我沒有勇氣叫他
昨晚, 我問他為什麼不叫我
他的態度惡劣地問我
那你呢?!
那我應該怎樣?

努力囉!
唔係點呀?你真係喜歡他就去呀
你認定左他是你的終生了,唔係咩?
你有冇睇"電車男"嫁?
辨法係人念既.佢有冇搵你吖?
佢有搵你就唔算討厭你啦,討厭o個果人會搵佢嫁咩?
想想吧,咁如果你覺得真係佢連睬都唔願睬你,咁落去都冇意思啦~
我有個fd同佢gf一齊8年,最近他說遇到個女孩覺得是命定中的女人了,最後咪又係走返去同佢一齊8年o個果身邊,有d野整定既.不過可能遲下佢會俾你感動返番去你身邊呢(可能咋.....)

我有作高傲嗎?
我沒有努力嗎?
知道嗎?
我作了所有人都不相信的努力, 可是結果呢?
知道嗎?
我得了反效果...
我又能怎樣?

不是好喜歡他嗎?
不怕又後悔作高傲,之後他又不找你嗎?
若喜歡就努力呀,有機會讓你再來,
想錯失之後再獨自哭泣嗎?

若不想同他再一起,就連朋友也不要做,不要拖拖拉拉,像什麼?是什麼也不是,搞到兩頭唔到岸!

若是捨不得就去吧.好讓自己不後悔呀~!有時,愛一個人就不要想太多,在一起才能一起改變,分開了,一個人再怎樣想也無補於事.