專業的"樽鹽"＠無休息之男｜PChome Online 個人新聞台

2007-11-28 17:34:44| 人氣163| 回應3 | 上一篇 | 下一篇

專業的"樽鹽"

推薦 0 收藏 0 轉貼0 訂閱站台

"既然都無明天，為何仲要為明天而奮鬥喎！"

昨晚因訓唔著，
睇電視睇到好晏，
有意同無意間睇到"妙手仁心"。

當晚由一個急症室醫生，
同一個願受接受"安樂死"，
用同一句說話來表示他們心中的不滿，
我聽完之後對於我內心都有很大的回響。

我睇到我自己的前途不太明朗，
很多事都變得有心無力，
特別在經濟上，
開支越來越大，
而收入又唔見到改善了什麼，
雖然工作了四年，
睇住同期入職的同事一個個加薪同升職，
而自己則是緩慢地增長，
被肯定的感受少之又少，
對機構的歸屬感也可想而知，
其實我無野求，
只求收入同支出可以有平衡一點，
我唔需要有車，
但最起碼可以供到樓或儲到錢，
而家唔好講供樓或買車，
就連儲錢的能力都有限。

機構認為要為佢買腦力及勞力，
道理上應該佢出錢我出力，
但老闆永遠都係要我地出力多，
佢出錢少，
這一點我有很深刻的體會，
亦都係機構一貫以來的作風。

其實我都唔想咁諗，
我都好想做一個為理想而活的社工，
但好坦白講，人都要生活的，
連最基本的生活條件都不足，
就很難再為理想而活，
惟有去向現實低頭。
但作一個個專業人士，
都應該有專業的"樽鹽"，
如果無左被尊重的"樽鹽"，
社會仲需要什麼專業，
如果政府得把口而無實際的行動去表示，
點樣可以維持到各行各業的"樽鹽"，
每一個人，每一個家庭都有"樽鹽"的，
更何況我地呢？

我好想講，
我好想比人尊重，
好想比人重視，
好想比人肯定，
有付出就好想有收穫，
唔係想收穫好多，
足夠基本就可以了。

希望政府同機構盡快交出適當而又滿足基本需要的策略啦！
好讓我這個小小小小小社工唔駛"死Hun死底"咁，
儲錢同生活啦！

備註:
我本人設計的壁報

我要檢舉

台長：無休息之男