24h購物| | PChome| 登入
2008-09-13 11:32:15| 人氣59| 回應0 | 上一篇 | 下一篇

∮+ 黃子華 棟篤笑∮+

推薦 0 收藏 0 轉貼0 訂閱站台

十八歲
點解十八歲先至係合法年齡呢？
因為到左十八歲，o係法律上我地就要對自己負責任！
多餘，唔通十八歲之前，我地就唔駛對自己負責任咩？
唔通十八歲之前，我就可以隨時撲出馬路：
「我唔信呀，我十七歲半咋，你敢撞死我？」
唔通十八歲之前，你o係油o麻地踩完個紋身佬一腳，個紋身佬會話：
「死o靚仔，你未夠十八歲，我忍你！」
唉，十八歲既最大好處，就係你到左一個合法既做愛年齡。
我想請問，有邊個做愛係因為合法先做gar？
我以為大部份人做愛係為左快感同高潮？
抑或你想話我聽，十八歲之前做愛係冇高潮既。
十八歲之前做愛係白做既！
咁樣十八歲就具有特別意義ｌａ！
性
聖人話：「食色性也！」
食同色，好唔同！
一個人無論幾鐘意食，會唔會俾幾十蚊入戲院睇套「蒸氣騰騰小龍包」？
一個人無論幾鐘意食，又會唔會為左望住一舊冇野包住既牛肉望到俾車撞？


唔好講野
講野，係冇用既。
做，先至有用。
唔駛講乜呀，愛就係啦。
唔好同我講愛，做啦。
所以，有Ｄ人，熱愛世界，愛得好緊要，於是就做世界。

馬克思
馬克思主義係一種理論，係大學裡面既一個科目。
唔好太認真，除非你係學生，主修讀個科。
如果你依家同馬克思講：
「喂，馬生，因為你o個科，單單中國都唔知死左幾多百萬人喎。」
馬克思會話：
「o下，讀書都會讀死咁多人？你地中國日日大考呀？」

兒童教育
我一向都認為，我地成日呃Ｄ細佬仔，懶係ｎｉｃｅ咁對佢地，講到呢個世界乜野都好好咁，咁係唔o岩既！
細個我同媽媽搭飛機，睇見廁所既水係藍色，我未見過，咪走去問媽媽o個Ｄ係乜？
媽媽話：「係天空。」
所以我就成為世界上第一個食過天空既人。
細個Ｄ大人成日講童話，講白雪公主。
佢地講既就係白雪公主又靚又好人，好值得去追求。
但係冇講到我地唔係白馬王子！
邊個人至係白馬王子呀？
起碼有隻白馬啦。
咁就即係馬主啦，你係唔係呀？
講Ｄ唔講Ｄ好危險。
即係等如你同個細路仔講：
「小明，飛出窗口好過癮既，成個香港望晒ｇａｒ，浮下浮下...」
但係唔同佢講：
「不過你落到地下個陣，會快過搭電梯好多！」

失戀
失戀係會令人成長既。
我失戀之前，一向都覺得世界上所有問題都有答案。
點解我地每日都要８點鐘起身返工呀？
因為夠鐘囉。
點解我地有夠鐘呢樣野呀？
因為我地唔用浮動上班時間囉。
　
點解呢個世界有戰爭？
因為我地有武器囉。
咁點解我地要有武器呀？
因為佢地有武器囉。
　
一切都有答案，直到我失戀。
阿珍，點解你唔愛我？
阿珍比左一個經典既答覆我，佢話：
愛情係冇點解ｇａｒ，係唔可以解釋ｇａｒ，唔好問啦。
如果番工老闆問我野都可以咁答就好o勒！
黃子華，份資料點解會有錯字架？
老闆，係冇點解ｇａｒ，係唔可以解釋ｇａｒ，唔好問啦！

我要檢舉
台長： 脫變中的Key

您可能對以下文章有興趣

人氣(59) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文