===Happy day===＠◇ Joy is Mine ◇｜PChome Online 個人新聞台

2007-08-18 14:09:33| 人氣112| 回應4 | 上一篇 | 下一篇

===Happy day===

推薦 0 收藏 0 轉貼0 訂閱站台

好la好la~2日一夜既長隆終於都去完玩完了
我地首先去到新寶茶餐廳吃早餐..
見到佢地一坐低就一人一部NDS係咁打係咁打...
白, 黑,藍,粉紅....真係咩色都有...

食完個早晨套餐,就要上車去了
首先梗係去番禺賓館放低晒d 行李la
入到去~~wowo~ 諗番起上年去北京既feeling
但當然入面冇個大浴缸比我地浸浴la....
亦都冇一張如同雙人床既單人床訓la
細細地都算ok la
搞點好晒放好晒又影完相la....

搞左一輪....終於都出發la
但好可惜,可惡,可憐咁一日既行程就比一個沙塵暴破壞左
只好折反酒店la....wowo.個沙塵暴真係唔講得笑....
成頭成身都係一粒粒既塵, 真係恐怖過行雷><

番到去...佢地第一件事就係lo 出NDS 係咁打...
特別係勤仔...完全係NDS 既奴隸, 算了吧, 打就打la
不過見到jose 寫定我地去到長隆既日記就覺得真係好搞野
咁早就寫好晒

等佢地打夠打吧打到冇電咁濟...好la
終於都起身出去行下食野la
e 2日我地食得最多既係m記,KFC, 飲得最多既係可樂
食飽飽就周圍行下la...wo 我地一班女仔就突然沖左一間泳衣點係咁睇係咁試
而佢地就唔知做過d 咩la...但當我開番部機一睇...==”
原來佢地係到影相
仲影左e 張咁特別一張回來

行到又累又熱,去左7-11 買埋今晚既宵夜
沖完個睇涼真係舒服到暈~跟住我,mani,fish 就係咁係房到影d 泳衣相
之後就正式開餐la....見到勤仔佢開支啤酒笑到我地肚痛
食完仲玩左好多野~~真係成晚都笑唔停
勁開心~~!!^^
jose 同fish 做白雪公主故事,jose真係好盞鬼
我就同mani 做羅密歐與茱麗葉既故事,
睇番mani 叫羅密歐既時候做既手勢真係好好笑丫
而勤仔同豬就做灰姑娘故仔~~哈哈~

見到佢既做型真係笑到傻左...
之後個個都玩到累就回房訓了, 準備第2日之旅
見到fish訓個樣真係好好笑ga~

幾經辛苦終於到左長隆香江動物園la...真係比個taxi 司機激死
算la~! 黎到就盡快咁同大自然玩la~
見到d 樹熊真係成日訓, d 熊貓就真係咁食...
個日真係又曬又熱...不過都ok la~唔怕曬得太黑番去~呵呵
今次都玩得好開心~~但去唔到水世界我都係覺得差少少野咁la
如果可以去埋既話e 個行程2日1夜就真係好低玩la~^^!