◇ Joy is Mine ◇ 一切的事情都在此留下來

37愛的鼓勵 0訂閱站台

回想一下...

我好似已經有大半年冇叫過公公了
琴晚我夢見了公公:
『那一晚我地所以親戚就好像以前咁樣於節日聚了起來,
所以人都從各地回來了,真是開心透了!我地一大家出外吃飯,
公公照舊坐到主席位, 當然婆婆坐到他的身旁,而我就剛好坐到公公的對面,
大夥兒都熱熱鬧鬧的, 一共有2圍大台, 當時公公真係好開心精神又非常好,成晚都係到笑哈哈, 而婆婆就不斷同佢講:好la, 夠la咁樣.....』


我諗番起, 其實我以前係未曾會夢見過公公
第一次夢見佢就係佢入院前一晚
我到現家仲好清楚咁記得個夢:
『係夢入面我係松山腳個到見到我公公,
我見到佢個樣好迷糊咁, 係到周圍咁望,
就好似唔知發生咩事咁, 而我亦都好奇怪, 點解我會係個到見到公公,
之後我就行上面問公公發生咩事, 之後佢就用好奇怪既眼光咁望住我,
跟住佢就縮開左, 就用好惡既語氣問我:我係邊個?做咩冇la la 扮係我d 孫!,
我係咁解釋我係邊個, 但佢愈來愈惡話唔好再亂講, 唔係就對我唔客氣,我個心開始好亂,
之後我捉住佢隻手, 佢一手推開我之後就向山頂個條馬路既方向走, 我係咁叫公公, 佢頭都冇回過一直咁行前,我個陣不停係到喊, 係歇斯底里咁大喊, 我一路係到問點解公公唔認得我, 點解....』
到我醒番, 我覺得好傷心好似失去左公公咁.......

記得係佢離開個日既早上
我係係公司番緊工,
個陣我收拾緊d 文件, 我一個係room 入面,
係我個身伸入d 櫃到執緊既時候,
我突然覺得後面好似有個人, 我開頭以為係其他同事入左黎搵野,所以冇理會到,
(因為個間room 係玻璃房個種, 等我地係出面做野都知入面有冇停機個類)
但過左一陣, 我覺得佢好似望住我, 仲望左我好耐,
我覺得好奇怪, 於事我就伸番個身出黎, 諗住睇下係邊個,
咁我就慢慢咁轉身,但就係要望清楚到個人係邊個個剎那間, 個人好快咁淡左(好似即刻消失咁),
之後我已經即刻企起身睇下有冇人出去, 因為我就係玻璃旁邊,
如果真係有人走出去就會見到, 但我見到我d 同事係好開心係咁出面傾計,
我個刻個人好驚好想大叫咁跑出去, 我個陣仲諗緊,
我睇到個人係男人黎ga既....後來我諗應該係我公公,
因為我係大概中午一點發生既, 而公公就係朝早9點幾離開.


而係佢離開左之後既一段時間
我第二次夢見佢:
『佢出現係我公司, 佢一路由走廊個到行過黎我到,
有一位姑娘咁既女性扶住佢, 見到佢既精神好番好多,
冇好似係醫院個樣咁痛苦, 當佢行到埋黎, 我放下手上既工作,
佢問我:做得辛唔辛苦丫?我家下冇野la, 行得走得, 你睇下,仲有人照顧我tim, 你放心wo, 比心機努力丫!』


今次係我第三次夢見佢, 我覺得公公真係好實在好開心, 好似番反以前咁,
一到節日個個都會番黎一齊過節,
你總會好高興咁為大家整番一, 兩味你既拿手餸菜,
我不停咁叫公公, 公公, 真係好實在...