2006.04.24
每個人心中都有一座斷背山嗎?
有人說, 看外語片可以學英文. 理由是: 每看一齣西片, 結合畫面, 聲音, 人物…就好像是到外國旅行左兩小時, 如果每晚都看一套西片的話, 日積月累下來, 都不知去過外國旅行多少次了, 對培養語感有一定的作用.
所以我看<斷背山>的時候, 就當係去左懷俄明州遊覽了一遍. 荒涼的BrokebackMountain上, 不見人煙, 只有一望無際的草原和上千隻牧養的羊群. 與世隔絕的環境, 令兩個素昩平生的牛仔, 在惺惺相惜中, 發展出同性情愛關係, 看來也是理所當然的.
故事背景雖然是1963年夏天, 但有DVD-9媒體, 畫面質素是前所未有的清晰, 使我初看時覺得有點格格不入. (真正196幾年D戲既畫面邊有咁清晰呀?)
睇晒成套戲之後, 不得不讚嘆導演李安對於劇中人物的把握, 而拍出如此細緻的作品. 時間橫跨左二十年, 所有人都老了, 卻依然無損故事的流暢性. 佢不愧拿左最佳導演奬.
細細回想, 斷背山有幾處地方給我感觸甚深, 想了很久……
一) 下雪了, Ennis和Jack在帳逢裡互相取暖的晚上, 他們終於發生了關係. Ennis被撩動起火頭, 急躁地扯下了Jack的牛仔褲, 吐點唾液在自己手指上, 再…(不說了) 其實要說的是, 兩個演員事前都沒有排練過, 李安完全由他們臨場發揮. 他們已經很勇敢, 很出色了.
二) 兩人靠坐在山坡上, Ennis對Jack說: 「我們就只會做這麼一次.」意思是他心裡還是挺內疚的. 童年的陰影一直在他腦海中揮之不去, 他九歲的時候, 親眼目睹過同村的Gay man被人殘暴地打死了, 而他堅信是自己父親所做的. 看到這裡, 我心中不禁升起了一股憤慨 – 愛情是神聖的, 每個人都有自己選擇愛的自由, 縱然一段關係在世人的眼中是多麼的錯, 我們縱使不喜歡, 也沒有權利懲罰別人.
三) 拍戲之前, Ennis和Jack都是不懂騎馬的, 他們為此去訓練, 以致我們能在戲中看到他倆翩翩的騎馬風度, 這, 連真正的牛仔都豎起大姆指!!!
四) Ennis和Jack久別後(此時Ennis己結婚並有了兩個可愛的女兒), Jack第一次到Ennis住的地方去看望他. Ennis看到Jack, 衝口而出說了句: 「Your fucking Twist!~」(你他媽的Jack, 咁耐無見, 死左去邊啊?) 可想而知當刻佢既心情係幾咁興奮, 好像見返自己失散左多年的戀人一樣!
五) 佢地見返面時, 我真係無諗到竟然會係Ennis主動咀Jack, 我仲以為一直都係Jack單戀Ennis, 肯定了他倆彼此相戀後, 感到有少許安慰, 因為只有彼此相戀才會為對方犧牲, 對嗎?
六) 有一幕, Jack去了墨西哥, 成街都企滿男仔, 唔知咩事. 我猜想他們都是招搖過市的男妓. 睇番電影資料, Jack 是真的去了叫鴨, 無估錯.
七) Jack意外死後, Ennis致電去了解, Jack老婆話:「我知你係Ennis, Jack以前成日有提起你, 你地係一齊去釣魚果個丫嘛…」同一句話, 也出自Jack媽媽口中, 佢話: 「佢成日有提起你架…Ennis Del Mar」那一刻, Ennis應該知自己在Jack心目中有幾重要吧?! 至少比他所想像的重要.
八) Jack媽媽讓Ennis參觀佢間房, 正是陋室一間, 本來無乜特別. 不過Ennis又0係衫櫃度搵到兩件舊襯衫, 袖口上有乾左好耐的血跡, 是當年兩人在斷背山上糾纏時留低的印記. 事隔多年, 想不到被Jack珍而重之地收藏了起來, 天, 那一刻Ennis的感動更是無以復加. 亦如我所料, Jack對Ennis的確比較深情. 因為這兩件衫, 揭露了他一生中最大的秘密.
我總共看過三部的同志電影, 時間先後順序是 <春光脷洩> <美少年之戀> 和<斷背山>. 都是這樣浪漫, 凄美, 感傷和細膩, 是我心中一直渴望, 一直尋找的感覺. 但我想我不會再追尋男同性戀的電影了, 因為斷背山在我心中己是滿分的電影, 同一題材裡面, 我恐怕不會再找到比它好的了. (完)
文章定位：
