今天PE堂因為Ms Fong 去左校際水運既關系，變左自修堂(@405)。踏入第四堂既時候，黎代堂既係甘SIR。如是者，佢見到教師台前面既鍾兆康抄緊書但D字好樣衰兼姿勢唔正確，就開始講道，「抄書唔係咁抄既，抄得D字咁肉酸，抄得唔認真，又點會幫到你呢?抄書可以幫你學習人地既好句、寫法，你抄得咁肉酸，我叫你地中文老師(Ms馮)唔收貨ga」
以下對話憑我記憶節錄...時空交錯請原諒
「阿Sir，你以前成日抄書ga?」
「係ar，我以前成日都畀老師罰抄，但係我好畀心機咁抄，抄左既野會入腦。」
「阿sir你中學讀咩科ga?」
「文科」
「點解你choose文科?」
佢好似講秘密咁話：「因為成績差畀人throw左過文科」
「咁點解你做老師既?」
同上「因為其他行業都唔收我做」
= =’’
甘sir 中學時候係讀Band 5學校既「其實入Band 5唔係因為曳既，而係成績差」，原來阿sir話佢做過好多份工都係Before大學畢業做既，唔係出黎社會之後。「我12歲就幫工廠送汽水(可能有錯)，14歲做茶樓推點心，16歲就做麥當勞...」
「下...童工wo...」
「係ar...無計la屋企窮，唔做工就交唔到學費...o個時上堂都無點聽書，都唔會交功課，放學3:xx會做下功課，之後4:00開始就去酒樓番工，一路做到12點幾，之後1點幾番到屋企，沖涼訓覺，第二朝7點番學」
「即係無時間溫書，做功課??」
「無ga喇,邊有時間做功課，溫書ai」
......
「o個時無九年免費教育?」
「未有...我係最後幾年無9年免費教育既...都要交學費ga，o個時$20一個月，私校既就>=$100。」
「第一次叫 叉燒包 真係好困難」
我唔明，於是佢又重覆一次。
「第一次ai 叉燒包 (叫賣)真係好困難，不過之後叫慣左，連鳳爪都無問題...」
「o個時入大學係唔係好難ga?」
「係ar，要入U起碼6個A...等等，同而家差好遠，」佢舉起改緊既Econ卷，(42份)，呢度只有一兩個人可以入到U (比例)。
「咁阿sir你點入大學?」
「我醒ar,我中七之後去左英國讀大學」
.....
「阿sir你邊度夠錢去英國讀大學?」
「我咁多年黎打工既錢剛剛好夠我機票+第一期學費」
「兼職讀大學?」
甘sir點點頭。「知唔知破釜沉舟邊個”釜”ar」
我口快快答左”斧頭個斧”
「讀文科講野點都要有番D文采，釜係鑊ar，我o個時就破釜沉舟，讀唔成書就唔番香港。」
「 英國用英文ga wo...」
「我讀到中七，連一句通順既英文都寫唔出黎。我一落機，就即刻(無助)盲中中咁去周圍搵工做，之後就一路做一路讀，until畢業。」
....
「咁就畀我大學畢業到喇，其實我個人唔算蠢，都唔算好叻，但我憑我既努力，擺脫左貧窮。知識改變命運。」
「咁你大學畢業之後做左咩?」
「做左四年銀行，之後教書」
「阿sir 出自傳la...」
「而家D後生淨係鐘意吃喝玩樂，無人會鐘意睇呢D野ga喇」
「阿sir你有無教過Band5?」
「無，但係做過Band5」
好凌亂...不過大致上係咁la...甘sir真係好堅ar!聽”甘”一席話，勝讀十年書
= =’’ 真係要好堅強既人先做到咁ga!
P.S.阿sir當時改緊Econ卷
文章定位：
