Fling，中文解做「扔」，廣東人話人胡亂花錢，就叫做「Fling」，幾貼切。
男人得罪個女人，個女人三日三夜自閉不理睬他，男人仍完全無表示，女人嬲到震，從他的戶口提取巨款，一個人晨早過大海，發誓要Fling男人的錢，完全不用俾面。臨行前還給他一張便條：「我走了，請你照顧小狗吧！」因為個女人同男人講過，她要離家出走，但男人完全不當一回事，以為她講笑，女人又嬲到震，索性玩失蹤。
剛到上環信德中心，男人的電話就來了，一副楚楚可憐的感人聲線說：「老婆，你係邊呀？」女人反問：「咁你又係邊？」「我一個人係澳門碼頭囉，我估你去左香港。」「我係你戶口取了巨款，我今日要Fling晒你D錢，買我鍾意買的東西。」怎知男人開懷的在電話另一端大笑：「好好好，你開心就好，Fling啦Fling啦，我俾晒D錢你洗啦。」
女人終於明白，有時Fling男人的錢，不需要太內疚，六年來幫他死慳死抵原來都無用，今日盡情的散錢，等自己可以下一道氣。這麼多年來，女人第一次可以隨心所欲，不用看銀碼，想買什麼就什麼。於是狂掃新偶像朴申陽的舊作品DVD，再來幾本英文書，加一對波鞋及一個名牌手袋，但仍不快樂，最後回到澳門要光顧老友買兩副名牌眼鏡，條氣至順番晒。女人嫁人以後，都未有機會好好對待過自己，今回咩仇都報晒。
（原文原刊登於澳門華僑報副刊”新荷集”專欄內，刊登日期：０７年８月２７日）
圖片來源：
http://image2.sina.com.cn/ent/v/j/2007-05-17/U1735P28T3D1557562F326DT20070517122404.JPG
