人性真係好奇怪
擁有既時候又唔識珍惜
到失去既時候又唔捨得
以前無論佢為你做一百樣野
你都會覺得理所當然
失去既時候
佢用過既一張紙巾或寫過既一隻字都想留底
因為你知道佢唔會再為你做任何事
可能人要試過失去先明白果種痛
曾經電視廣告上講過一句說話：幸福唔係必然
講每個人都識講
但真正明白既人又有幾個？
人好犯賤
－＞ 擁有 －＞ 理所當然 －＞ 失去 －＞ 後悔 －＞ 擁有 －＞ 理所當然 －＞ 失去 －＞ 後悔 －＞．．．．．
一個惡性循環
曾經我同普通女仔一樣會蠻不講理
覺得男朋友就自己鍚自己係必然既事
又或者咁講
上天對我好好
我從來唔擔心無選擇
呢個唔好， 咪下一個囉
總有一個係左右
所以將好多好多野都當係理所當然
日子有功
分手既戲碼重覆又重覆發生
先發現原來愛一個人好容易
但真正要維繫兩個人既感情係一件好難好難既事
首先一段感情係需要雙方面付出
是但一方偷懶
呢段感情都會變得唔健康
仲要花心機花時間去了解呢個訓係你身邊既人
佢既開心唔開心、做野辛唔辛苦
佢最近喜歡睇咩戲
佢最鍾意咩顏色、最鍾意食ｄ咩、最鍾意或者最討厭ｄ咩
我都想知道
或者知道之後
大家會比較容易遷就
單單講遷就已經係一門好大既學問
樣樣遷就佢便會失去自己
樣樣企硬又會令大家關係惡化
烚到好處其實一ｄ都唔易
容祖兒有一首歌叫愛一個上一課
以前試過失去先明白擁有既幸福
曾經失去個完滿既屋企先懂得珍惜每次相聚既時候
曾經失去一段難忘既感情先明白愛你唔係理所當然
如果從來無呢ｄ經歷
可能到依家我都未學識珍惜
大家應該聽過人一世必須找尋『三個人』
第一個是你最愛的人
第二個是最愛你的人
第三個是共度一生的人
我最愛既人．．．未到死果日都唔會知呢個係邊個
呢一刻可能你好愛佢
但下一秒可能又會出現一段更深刻既愛
最愛我既人
哈
我唔知點為之最愛我既人
用咩去衡量呢？
為你付出最多、關懷最多既就係最愛你既人？
定係佢會默默係你身邊做隱形天使既先係最愛你既人？
Ｉ ＤＯＮ’Ｔ ＫＮＯＷ
大可能呢一生之中
只能找到第三個人
前兩個太虛無縹緲喇
第三個係我切切實實願意同佢白首皆老、願意付出一輩子既男人
無論佢係咪最愛我既男人定係我最愛既男人都好
總之選擇左佢
我會願意為佢做任何事
每日為佢係屋企打理家頭細務
每日為佢煮飯
為佢生個肥肥白白既ＢＢ
為佢孝順爸爸媽媽
為佢傾聽每日既開心唔開心
呢個係我既夢想
如果無左昨日既經歷
唔會有依家既我
其實．．．．．我應該感謝過去
亦都要感謝梓謙喜歡依家呢個我
如果你同我一樣有一段唔開心唔愉快既過去
大家都應該感謝
亦感謝曾經係你身邊路過或曾經陪你走過既人
因為經驗永遠係令人成長既不二法門
哎呀
又講左一堆廢話
ＴＨＥ ＥＮＤ！！！！
文章定位：
