好啦,今日開始寫下日記咁啦,因為我已經對頭幾日黎ＧＥ野開始模糊ＬＡ,我怕第二時想知返都唔記得。
就寫返尋日開始啦。
尋日一起身就去左同學長姐食早餐,黎左咁耐都係第一次同佢地一齊食返學戈時食早餐。我黎左咁耐就係同佢地兩個最好玩,我諗因為佢地識廣東話,所以我無乜語言隔膜就可以同佢地溝通到。加上學姐係澳門人,所以可以成日同佢講澳門Ｄ野懷念下,跟住又會懷念下我地美好ＧＥ時光。
跟住一直上堂都無乜特別丫,都係咁,好眼瞓。
直到下午五點幾食完晚飯之後,諗住參加左攝影社去上堂啦,吊,點知搵極都搵唔到,地址又無電話又無,我唔知佢地點做野囉。
無得上咪走左去睇學姐彈琴囉,我見到個琴即係忍唔住摸下佢,真係咁大個仔第一次可以對住咁大個鋼琴任玩,Ｄ聲真係好好聽,如果我後生十幾年都會走去學。玩玩下,跟住收到電話要去練啦啦隊 （一個學校大型比賽,要跳舞戈Ｄ我最憎戈Ｄ野,年年都有,都係要大一去比賽）,跟住就懷住唔想去ＧＥ心情去左LA.
去到都係練左一陣,跟住我周圍行下咁,見到桂綸美張大海報,我忍唔住咁撕左佢落黎,Ｄ同學即刻一叫，“被你搶先了“,之後響佢地梳把下,我就捲捲捲,張海報而家就響我衣櫃入面ＬＡ。
返到宿舍,即刻沖涼,跟住睇書,做下筆記咁,食下餅,直到十一點,就出左去同同學佢地唱歌ＬＡ.開頭佢地第一次問我去唔去唱歌,我諗,唱歌？你而家響度唱都得啦,點知原來即係唱Ｋ。
十一點男宿樓下等,佢地有Ｄ人仲著埋以前套校服添,幾靚.不過唔係個個都著。嘩,今次唱Ｋ有成十六個人,估唔到咁易就有十六個人,我記得上一次ＴＯＰ１好難得咁先十幾個人,真係唔同.呢度唱Ｋ原來有個小型自助餐食,不過Ｄ野就唔係咁好食囉.如果比蔡勤食我諗佢都會擰頭。
間房超大間,仲有埋吧台,獨立洗手間,好大,仲有舞台添,一人都係３百5,算係咁。不過今次我一支歌都無唱到,因為無歌我識唱，佢地係咁叫我我都無唱,真係有Ｄ唔好意思。
一唱,就唱到七點ＡＭ，我都係第一次唱咁耐,個天個光曬,我好眼瞓,好唔健康。就係咁,我七點幾上左床瞓ＬＡ......
故事發展落去會係點呢？到底ＪＯＪＯ人在異鄉會唔會遇到Ｄ咩新奇好玩野？又或者唔好玩野？想知咁就要繼續留意“ＪＯＪＯ台灣歷險記“
好消息,好消息,而家網上訂購“ＪＯＪＯ台灣歷險記“即送你２００７ＩＢＡＦＷorldＣUP 棒球一個,名額一名,先到先得,送完即止。
文章定位：
人氣(47) | 回應(7)| 推薦 (
0)| 收藏 (
0)|
轉寄
全站分類:
不分類
