*Here Come Jose` Back to The Start

156愛的鼓勵 0訂閱站台

成個幾月無響度玩LA,呢個月入面,發生左好多野,有食飯,瞓覺,刷牙,去廁所,去踢波,去玩,去影相,去打邊爐,去...諗返起一個月前...戈時仲好凍,而家我已經著緊短袖衫褲LA...而家諗返起上年十月,到而家,都成半年有多,D錢差唔多洗曬,人又老,我諗都係差唔多時候架LA....諗返下,十月,戈時上午十點幾起身睇心理心裡有個謎,好睇喎,真係唔錯,日日追,日日響度反,日日響度唔知做乜,日日係咁過,有時同汗兒去下街,咁就一日,不過條街冇乜人真係好舒服;十一月,開始返工,但係唔係日日返,戈時都算係正常生活,早睡早起,記得有一次返工搭巴士見到SANSAN,HAHA,笑死.戈時都係返兩日工,又休息兩日,真係舒服,但係就無去到美食節,都算係一個遺憾,遺憾在無得去玩,唔係無得去食.記得上年同汗兒同埋慈兒去,三個人,幾好食喎又,又幾好玩,而家佢地兩個都移曬民LU...得返我一個因.得返我一個因GE時候,我又會病LA.十二月,而家對於呢個十二月好毛湖,淨係記得有一次聯同痕仔,也成,泳三一齊去左燒文度食薄餅,食完之後仲玩電話,好好笑,跟住就無乜印象LA,聖誕節戈幾日都要返工,成個聖誕比左佢,吊~!巨露毛...一月,都算好D丫,去左接蕙蕙同慧慧同假髮機,戈幾次接機都係幾好GE經歷,好多冬天GE味道,幾舒服,跟住仲同嘩~豬,仲有牙刷仔去左康港...丫!係,仲買左部PSP,但係好快又賣左比家姐,不在乎天長地久,只在乎曾經擁有,浪漫靈感,鐡達時.二月,去左燒烤,呢個燒烤都好好玩,多謝戈個傻婆阿姨發起,如果佢唔係無腦應該幾醒架.仲有新年,咪又係咁,超悶.三月,開始溫習LA,記得戈時日日中午煮飯比老豆食,食完就一個人去圖書館溫習,有D悶,但係心靈上無咁浪費.四月,其實都係同而家差唔多,不過復活去左狗門,都幾好玩..直到五月,頭有牙刷仔生日,後有燒文生日,唔知會係點..今日終於一個人響屋企,超級悶,又無乜心情玩photoshop同A.I.,又落雨,無得去踢波,吊巨露毛,好彩,今晚有醬油雞食,但係唔夠,我而家要落去買燒肉,唉吔,頭先衛明打黎去踢波,YEAH~咁我唔買燒肉住LA,聽晚先啦..你地如果邊個仲有黎睇我呢個新聞台,就畫隻龜響度啦,多謝