呢兩日,正如大家好嬲咁知道,我地去左狗門,去左龙珠花园-阿成間大陸祖屋.首先十點去到關口集合,但係我遲左少少,對唔住,但係有原因架,因為有交通意外,可能講你地未必信,所以我無講.但係我都有買左D野比你地食丫~一出到關,就去左食早餐,大膠鑊,不過好難食下,第次都唔建議去戈度.然後去揀碟啦,阿成居然識戈個賣碟SALES,真係驚人,揀左”四條腿拯救隊”,”香水”,”小紅帽(?)”.唔知仲有冇..到搭車LA,本來諗住一黎就去珍珠樂園先,但係臨上車,有雨粉仔,即時轉,去狗門龙珠花园.經過好多討價還價之後,最後阿成一句”大家中国人”,就比左七十蚊司机.然後我地就去左買野食,買日用品,用左135蚊..135+70=235...當我第一眼入到佢屋企,感覺都OK,但係當我一開水喉,無水,吊奶媽!水係人類不可缺少GE東西,好彩最後都有.thank god!!~但係...影音組合...部機淨係睇到VCD,電視機好矇,要估..安頓左一會之後,就打左一陣麻雀.到左大約三點鐘,就去左行街-斗門潮人集中地~(正),去左麥田食下午茶,好貴下都.最後行下行下,買左部199蚊GE DVD機返到去(超豪),都算係咁啦.不過好凍.好LA,返到去,好累咁,跟住一路播大塚愛一路再打麻雀,越打越有,不過對於小欣呢個新手,要忍讓下佢,好彩我地好人,如果係出面D館,佢比人罵死都似呀,HAHA~~
打打下,有人敲門...嚇死..原來係阿成媽個姐妹,好似阿成媽架,佢一入到黎就係咁幫我地洗廁所抹野,做家務,真係好辛苦,我地都叫佢唔好,但係佢話得啦得啦,真係好攪笑~~到左八點幾,我地走左去食野,去雪之煱喎,佢地話好好食,跟住去左囉.去戈時真係好凍,凍死,又落雨,好辛苦,又病..唉..食下食下,食到無曬人,得我地幾個..HOHOHO~~食完返到去GE時候,已經好累,個個都好想瞓,小欣就睇”越獄”,我地三個就輪住沖涼~~首先係艾斯達,跟住安格斯,之後係我,最後小欣,佢今次用左五個字沖咋,快平時好多!沖完之後,我地就睇碟LA,睇”小紅帽”,好攪笑咁,好眼瞓咁,瞓下睇下,隔離就係咁有D笑聲,HAHAHAHAHA~~聽得出佢好投入..睇完之後有個break,又睇,今次睇林海峰,又係瞓下睇下,隔離就係咁有D笑聲,聽得出佢好投入,睇完,四點~上床瞓覺,但係好嘈,D棚棚聲好煩,第一日完
第二日,十點幾就起身LA,但係最早都係艾斯達,佢九點就起左身,仲響度睇書添,跟住我地就叫佢地起身,食日本野做早餐,睇住五月天,點知唱”知足”戈時我隔離戈個野聽到喊,跟住打牌又,我同小欣輸左要執屋,豈有此理,下次要有讓番制!!好LA,到左走LA,我地就咁就離開左龍珠花園LA.下一站珍珠樂園,又搭左幾十蚊車LA...去到3點,但係五點半收(好彩~~)去到玩下呢樣,玩下戈樣,玩左好多野,但係得我同小欣玩,唔知點解佢地唔夠膽玩囉(HAHA~~SORRY),我戈個車仔都玩左3次啦.無乜野架,最衰過山車又唔開(好彩~~~thank god very much),唉..真係遺憾...不過算啦,玩左咁多都OK啦.我都未試過一個遊戲玩3次,呢次真係第一次,無乜野丫~(哇哈哈哈哈哈)影下相咁,五點半,走LU,咁啱又有司機出面同我地一拍即合,6點2返到拱北,GOOD!最後一餐食左咖喱麵,但係無乜胃口,唔係太舒服,但係小欣同阿成好似好餓咁,嚇死人..
食完,跟住就走LU...返澳門LU,,咁就兩日LA...唉..時光一去不復返...
今次真係幾唔錯,如果我唔係病就應該仲好,同埋下次要夾錢買彩電,好期待下一次住一個星期,不過我諗要拖個喼去先得,唔緊要丫~P.S.艾斯達都幾拉時,係忠架!
文章定位：
人氣(55) | 回應(2)| 推薦 (
0)| 收藏 (
0)|
轉寄
全站分類:
不分類
