今日在商場買左隻迪士尼動畫VCD..阿特蘭蒂斯,因為對呢個故事實在太有興趣喇,而又想原汁原味咁欣賞鬼佬出品的動畫,就寧買英文板都唔要中文板,點知.....我以為會有的中文字幕..居然,原來係冇gei...於是乎,我好好好辛苦咁睇左佢喇,都係明d唔明d,有d對白係聽得明,不過都係短句的易聽得多,但最重要的對白,交待故事,都係要聽明d講得又快又長的對白,搞到,最後都要上網睇埋個古仔講乜,先至完全明白!!!!不過,呢套片,d動畫好靚,冇乜冷場~~~但我諗我要睇多幾次,聽多幾日次,咁我諗會更加明白..
到底,呢個古國係唔係真的存在呢?我個人係相信有呢個文明古國gei,因為我諗柏拉圖..唔會無端端虛構一個唔存在gei野的...
而所有關於阿特蘭的記載,都係話呢個國家十分先進,有極高度的文明,最令人怠興趣的係有古書形容呢度的人.係用一種能夠飛行的工具來代步的...於是乎有人猜測,會唔會係好似外星人的飛船呢..又或者~~佢地比美國人早幾千年發明左飛機呢?真的不得而知,要解答以上的疑問,一定要搵到有力的證據,例如古城,古跡等等..不過,如果阿特蘭真係存於百慕達地區的海底,咁就真係一大困難喇,因為明知差唔多死硬的探索,又搵鬼去mei
另外,金字塔~似乎必定出現於大部分古文明的地方,好似埃及,南美洲的馬雅文明,古巴比倫(古書記載),印加帝國,都有金字塔的存在,問題係,以現時的科技,要制作出一個咁gei建築物,都有一定的難度,而幾千年前的人類,又係點樣造出來呢?可能,真的有外星人的存在,又或者係,古代帝王懂得利用大自然的神奇力量,造出各種不可思議的事物,而佢地的後代就基於某種原因失去呢種能力?
講開又講,之前在加拿大去多倫多玩時,都有去博物館,而當時的主題,係"三星堆"呢個主題的遺址,發生地就係在中國的四川~~講起來都失禮,印象中香港的博物館都冇展出過呢樣野,反而在外國就展過喇,奇唔奇?三星堆裏,最令人奇怪的係(可能外國人feel唔到),四川裏有唔少石像,類似南美的一樣,係一個個大頭人像,但呢d人像的樣,居然同南美的一模一樣,完全唔係中國人樣的,咁呢d又係乜野人所做呢?
文章定位：
