日期:2006年11月28日
時間:下午3時50分
地點:香港中央圖書館
好低能呀!返到自己老家都要周圍搵地方上網,講出來都笑死人，唔係講笑,自從上年返去澳洲後，屋企已經無人用internet，為了省錢，就cut左個i-cable broadband，搞到而家無得用，最後要走到對面海、全香港至大的圖書館度搵電腦用。
返左來都四日喇，本來，無返來香港差唔多一年，返到去係好開心的，但因為屋企人的身體有毛病，由落機後接到d咁的消息，真係乜心情都無晒。當然，生老病死係人人都要面對的，既然事情已經發生左，日子依然要過、地球依然要努力咁樣自轉加公轉，屁依然要繼續放。媽媽都好積極咁樣面對呢個難關，而背後當然有成家人做啦啦隊打氣，聲勢浩大，勁過對岸的乜乜藍營綠營。
返來後第一日，即係星期六，見一見由初中識落的friend，食下野、打下機、上下網，到夜晚就另外兩位少爺同我一齊去做gym，呢次係我人生中第一次正正式式去做呢樣野，幾好玩，不過做完後呢幾日隻手好似提不起勁，每申下懶腰都好痛，連個心口都痛痛地，之後由太古走去銅鑼灣食大家樂!諗住食火禍，但明明去到重有，搵完位再出去，就見個阿姑拎走個牌，無得食!唯有食鐵板，又真係幾好味喎，可能成年無得食一d岩自己口味的港式食物，我感到呢份三十幾文的鐵板餐好好味，比起adelaide的黃師父好食幾萬倍，再去m記食個新出的香蕉批，都唔錯呢。就咁樣樣過左呢一日喇﹗
第二朝八點，我形到較鬧鐘8點起身，同阿媽飲茶，點知睇錯鐘，較左7點幾，重比阿媽鬧，食下點心、好過打技針，然後衝落陶大剪個髮，埋單差唔多90文，比上年貴左成十幾文，早知係咁就響adelaide度cut埋先返喇，果邊有個大陸佬剪得唔錯，十五文澳紙，都係九十文港紙，差唔多，呢次我發現個salon每個位都有個小電視，比人一路剪一路睇下歌星唱歌，但我覺得好無謂，收平d重好。之後去左外婆度，好耐無去喇，同幾個auntie打左一round牌，我一舖都無食過，咁就走人，之後去左新都城行街街，見到有間電話鋪有賣idd card，好開心呢，可以50文打225分鐘，之後周圍去問有無得裝三個月的上網呢﹖個個promotor都話at least 18個月，咁你去死啦!我就死唔信無(但到依家都係搵唔到喎)之後同阿爸去靈實探阿麻，阿麻已經九十幾歲喇，根本就口齒不清，又成日話自己好快死，都唔知講乜好，我知佢好唔開心，要成日訓響度，做乜都要人幫手，眼又睇唔到乜野野，之但係~~~我唔知係唔係個個老人家都要咁樣樣呢?同阿麻其實相處時間少左好多，但細個時係佢睇住我大的，始終都有恩，之但係以前又可以係因為佢自私而令到我家人、特別係我阿媽損失左好多野，呢d野大家姐都有同我講過下，但事情都過左幾十年喇，都係~~算把啦!
去完醫院後，我一個人諗住去觀塘搵地方上網，點知五點鐘去到library無得入，why?因為果日係sunday，收五點，同時間我撞到個舊校友，佢話apm地下有pacific coffee有得上，我即刻去，去到問一問，咦﹖無gei，只有星巴克~我又係運吉，我諗果條友記錯左地方，果度係德福、唔係apm，正一仆街!!!
星期一，我去左樓下的乜乜辦事處用internet，好似好方便咁，完來我阿爸唔單止做左委員會成員，而家重做埋主席，真係巴屎閉，響果d阿伯阿婆中佢好似成個總統咁樣，比佢臨老威番次，人就係咁樣樣，總希望搵到一個屬於自己的舞台，發揮所長，而我所長呢﹖當然係果度最長啦!!尋日響果度上網上左成五個鐘，不斷搵工，希望快d有著落啦，無錢用的時候好down架，順便睇下有無成績出，哈，到而家為止出左兩科，其實兩科都失望呀﹗呢兩科我都希望有HD，最後都係得個D，重有一科最差的options未出，但assignment分就唔錯喇，聽日呢，就應該有分數出喇，今個sem的HD終於斷左，結束左每sem一HD的成績，但暫時有兩個D保下，都重算ok，而且今個sem三科都好難，算唔錯啦﹗至於搵工，我已經不斷咁send email，我真係唔想再做上年果份工，因為時間太長且太crazy喇，呢次我希望留番時間同屋企人見下面、飲下阿媽靚湯。
lens計劃下月中去澳門旅行，唔知點解，我提唔起興趣去，一來返去想做下野而唔係成日洗錢，二來，而家想花多時間響屋企人度，諗下啦，睇下點先決定。
今朝一早，我同阿爸培阿媽去養和照x-ray，醫院d人好有禮貌，果然係收得你錢就比多d笑容你，原來笑幾野都幾值錢。
對我來說，寒冬已經慢慢來了，我們一家人都會勇敢地面對，等待冬去春來的日子。
p.s:好掛住啊﹗唔係唔想多講野，而係idd真係令我好頭痛，收又收得差，用又用得貴，如果你快d返來就好喇，好快好快!!!但一定要比心機搵野做，我都一樣。
文章定位：
