翻來啦..翻來啦..終于都翻到來啦..
好開心..好開心..好開心..
話咁快就過咗24日啦..
殘酷嘅地獄式軍訓終于都結束啦..
不過..可惜..
雪白嘅肌膚已經從我身上流走..
轉眼間就變咗black chocolate..
仲要係勁黑果種..簡直同上邊幅圖有得揮啊..勁無奈啊!!
軍訓嘅呢段日子真係超級辛苦..
雖然早就知道係呢度軍訓會比其他學校嚴格好多..
自己亦都早就做好咗心理準備..
但係原來有D嘢..未經歷過係唔會真正體會到當中果種感受咖..
我發現軍訓比我想象中要辛苦N百倍啊!!
軍姿要企45分鐘..訓練要挂水壺..
練正步要”麵壁思過”..比教官罰要跑4個圈再外加60幾個俯臥撐..
落大水無得休息..仲要企係度唔準郁..任由D雨兜頭淋..
Super tired !!!
軍訓果段時間總係覺得度日如年..好想時間快D過..
但係其實講真..果段日子真係好充實..
雖然軍訓好辛苦..但係仍然有好多開心難忘嘅時候..
9.24 我會記住果個淋雨嘅下晝..果個詭異變態嘅夜晚..
9.25 我會記住果晚開心嘅聚會..果晚特別圓嘅月亮..
9.29 我會記住果班傻傻地開餐劈啤吹水嘅癲婆..果個自由嘅晚上..
9.30 我會記住果日用我哋無數汗水換來嘅隆重嘅閱兵..
我會記住教官離開嘅果個感動嘅時刻..
來到咗新學校..接觸咗新環境..
融入咗新集體..開始咗新生活..
雖然軍訓令我哋受咗唔少苦..
但係我仍然好開心我可以成爲2班嘅一分子..
好開心可以識到一大班咁好嘅新朋友..
我哋班D人都幾玩得..幾搞笑咁啦..咁先唔會悶呀嘛..哈!
仲有識到果個貌似曾志偉嘅韓總..哈哈!!
訓練場上佢極度嚴格..甚至有D算係變態果種..
但係一到放鬆嘅時候..佢就會360度大變..玩得仲癲過我哋..
有時佢確實又係幾得意嘅..呵呵!!
訓練場上雖然有汗水有泪水..但係同樣都有笑聲有掌聲..
經過呢段日子..我諗我已經深深咁體會到苦中作樂嘅滋味啦..咔咔!!
希望開學之後嘅生活可以更加充實..更加有意義啦..
等到頸都長嘅國慶假期終于都到啦..
姊妹們嘅聚會又開鑼啦..
打頭陣嘅當然就梗係吖B.吖J同Candy啦..
哇..我哋尋日竟然出奇地襯啊..
呢D咪就係叫做心有靈犀囉..好姊妹呀嘛..咔咔!!
久違咗一段時間嘅DDT依然熱鬧..突然有翻一種熟悉嘅感覺..
今日係DDT..我獻出咗我人生嘅第一次..
果3條友仔竟然做埋D咁唔人道嘅嘢..
逼我吃芝士榴蓮治!!頂頂頂..
賣相雖然相當吸引..但係味道對于我來講就不外如是啦..
我嘅第一次就咁就無咗啦..嗚哇哇!!!
仲有啊..今日我輕而易舉就攞走咗個冠軍啦..
不過極度無奈..我諗無乜人會希罕呢個冠軍囉..哎!!
Candy聽日就要走啦..可惜可惜..
下一次嘅聚會唔知道要等到幾時lu..
Take care 啦..
記得啊..你話過咖..聖誕節要過來廣州搵我哋啊..
Remember..
突然間好掛住宿舍果班傻婆添..點算好??
要等到國慶翻去先見到佢哋啦..哎!!
In a word.呢24日真係過得好開心..
希望可以一直都keep住呢種狀態啦..
文章定位：
人氣(50) | 回應(4)| 推薦 (
0)| 收藏 (
0)|
轉寄
全站分類:
不分類
