放咗假咁耐..好耐都無見過D同學仔啦..
即將踏入9月..迎來開學嘅大日子..
開學之後大傢就要各散東西..
會少咗好多見面嘅機會..
所以我哋就决定係8月嘅最后一日來個聚會..哈!
睇到碟魷魚酥咁吸引..就知道我哋來咗僑都啦..
無錯..我哋一早就來到僑都飲早茶..呵呵!!
我哋搵到位一坐落..就引來咗好多异樣嘅目光..
望咩望..未見過成班細路女來飲早茶咩??
未見過就比妳哋見下囉..大驚小怪!!!
小寶依然係最遲來嘅一個..
同時亦都再次成爲最矚目嘅一個..
無計啦..靚女就係咁咖啦..
唔羡慕得咁多囉..呵呵!!
飲完茶之後..成班人就過咗去地王影貼紙相..
不過可惜阿龜唔得閑..自己走先..
我哋果然係速度型啊..
我從來都未試過可以影得咁快嘅..而且都好有質量咖!!
後來襯meeting同肉肉唔係度..我哋一於負責幇佢哋加工..
真係搞笑到傻曬..但係都幾好睇姐..呵呵!!
搞掂曬貼紙相之後..我就脫離大隊啦..
下晝約咗小斌佢哋去睇電影..最後一次嘅四人行啊..哈哈!!
等咗咁耐..終于都如願以償..
一睹<不能說的秘密>嘅風采..
之前好多人對佢評價都好高..所以自己亦都期望好高..
但係睇完之後..發現自己好似無乜feel咁喔..
可能係自己睇得唔夠投入啦..
如果有機會嘅..希望可以再投入咁睇多次..哈哈!!
我諗今次睇完最大嘅感受就係:
呢部戲集愛情片.喜劇片.科幻片.恐怖片.劇情片于一身..
真係夠曬特別啊..呵呵!!
睇完電影之後..我哋又去机室玩咗一陣..
4個傻仔..都幾開心嘅..
四人行結束之後..就收到阿B嘅信息..
初中班friend諗住晚黑一齊吃飯..
幇姣婆餞行喔..哈哈!!
吃飯地點由名門轉咗去九寨溝..嗚嗚[>.<]
哎!好掛住名門啊..N個世紀無去過啦..
雖然係打邊爐嘅過程中聽到咗好多鹹濕笑話..
我嘅思想被污染咗不少..
但係真係好開心啊!!
而且今晚仲産生咗個金句:”假鍾淩霄!” 咔咔...
我諗<我们相爱6年>呢首歌都可以用来形容我哋之间嘅友情..
整整6年嘅友谊真係好难得..
大學之后或者会少咗见面..
但係我仍然期待我哋下一次嘅聚会啊...
今日真係超級開心啊..
由朝早9點玩到晚黑9點..
足足12個鍾啊..夠曬瘋狂啊!!
好多謝妳哋..多謝妳哋令我今日咁開心..
2007.8.31
我會記住呢一日咖..哈哈!!
More photos..please click to :
http://photo.163.com/photos/only.see.c/文章定位：
人氣(79) | 回應(9)| 推薦 (
0)| 收藏 (
0)|
轉寄
全站分類:
不分類
