Ｎｉｇｈｔ　ＣａＴ　ｃＡｔ　之家 多謝大家留意我的一舉一動

89愛的鼓勵 0訂閱站台

今日後身之後食羅白糕　～～　真係一年就係等呢日！雖然我知自己減緊肥唔食得咁多，但係都好難忍到口，我知過左年之後我會好嚴峻！！

本身約左我老母食飯，佢話自己收５／６點，叫我番入去！尋日整頭都通知佢我今日番去！諗住差唔多４點打俾佢問下收幾點啦！佢答我未知，我話我６點幾入到黎再算啦！點知冇幾耐佢打黎話佢老闆娘叫佢打８圈．．．我真係俾佢激死！！無情情放我飛機，佢話要我等到成９點１０點食晚飯，我寧願唔入！！之後仲好似發我脾氣咁：咁你咪唔好入囉！！之後又打多次黎話ｄ利事錢點，我話唔知！之後佢話問佢老闆娘拎住先！我梗係澎澎聲通知我細佬啦！好在我細佬話佢仲未係旺角走，唔係我為左我媽既利事錢都係入去屯門！細佬黎到之後我同佢再講！佢聽完都好慶！原來佢都約左人出銅鑼灣行花市！

今晚我最對唔住果個應該係Ｇａｂｅ，因為本身諗住同我媽食完飯之後，我地去屯門市中心睇言生．．．點知．．．ｓｏｒｒｙ呢！！

係屋企咪咪麼到７點幾出發去二姨道　～～　上到去原來今晚食”盤菜”！二姨佢地真係好有心機　～～　一層層咁整　～～　勁呀！！

食完飯仲玩個堂煎紅棗糕同年糕添！銘慇整既年糕好好味　～～　唔痴牙架！！又唔係好甜，仲入口有庶糖味　～～　正呀！！

我地食完大概１２點到，亞浩就跟左大Ｊａｃｋ番屋企打麻雀！而我就同Ａｕｎｔｉｅ＆Ｕｎｃｌｅ去惠康買野，點知我地去到買乜冇乜，仲冇幾耐話要關門添！真係Ｏ左．．．

番到黎幫手攪左好耐，大概３點左右番入房，我就梗係訓唔著啦．．．我睇左一集命中，都幾好睇喎！希望我有心機追落去．．．

我今日食既野有　：

午餐：６件羅白糕／１碗潮州粥

晚餐：１碗白飯／３件花膠／２隻冬菇／２件雞胸／２匙髮菜／１碗西蘭花／１件支竹