24h購物| | PChome| 登入
2009-01-24 20:05:40| 人氣46| 回應0 | 上一篇 | 下一篇

２２／０１　又見ＫＡＴＨＹ

推薦 0 收藏 0 轉貼0 訂閱站台

今日因為大陸廠仲未攪掂Ｄ貨，我又冇乜野攪，就話同ＴＥＲＲＹ一齊上去查貨，今日仲要老闆車我地上去，不過好鬼晏！因為佢約埋佢哥上去拜神！

上到去大家都好累，因為成程車冇訓過啦！上去查貨真係眼訓到爆，仲要播埋Ｄ死人歌．．．死人歌既意思係所以歌都係過左身既星唱！雖然我知呢Ｄ歌係好聽，但係唔駛咁舊囉．．．明明趕緊貨，好似催眠大家咁．．．老闆話左我聽佢去　～～　ＧＯＯＤ！我同個客講番，要ＢＫ房，初時老闆以為我可以一個人訓，我答佢一個人我訓唔到，最後話２間雙人房，個客話好貴，話要番一間單人會好Ｄ，咁我都冇所謂，ＴＥＲＲＹ話叫我開電視黎訓都ＯＫ啦　～～　咁我話都係　～～　後黎同老闆講番，佢話自己一個訓，我同老闆女訓　～～　最後個客話問下有冇家庭房！！好期待呀　～～　個腦不停諗有咩預備！

我地４點左右就番落香港，梗係唔番公司啦　～～　我就約麗娟行陣街先！我地首先去左旺中先　～～　我要買牛仔褲！點知又出血啦．．．我最後買左２件衫、１條牛仔褲同埋１條褸　～～　勁呀！

之後我地去朗豪坊Ｈ＆Ｍ，行左冇幾耐亞浩打黎話佢到左，咁麗娟澎澎聲買完野就去搵佢之後上去ＫＡＴＨＹ道！上到去爆多人　～～　

今次又輕左一磅　～～　唔錯！當然梗係關我呢２日都冇跟足啦！今日仲講埋新年可以食Ｄ咩．．．聽完梗係失望啦！我最愛既羅白糕每日只可以食２件，當然唔係每款食２件，佢講緊每日既量只可以食２件．．．真係Ｏ左咀！

好餓　～～　澎澎聲搵野食，我地去左ＤＯＲＡＹＡ　～～　我就叫左海膽飯定身，亞浩就叫燒和牛定食，麗娟就叫粒粒海鮮刺身飯定食！我個海膽只可以用唔新鮮黎形容，因為都幾腥下！反而佢２個既飯就幾好味！下次我唔會再叫架喇．．．成１２０蚊添仲！！

今日食既野有：

早餐：１份粟米蟹柳三文治

午餐：叉燒飯走汁／半碟生菜／半碟油麥菜

晚餐：海膽飯／１件煎蛋／１碗麵豉湯／２件燒吞拿魚肉

我要檢舉
台長： 夜貓貓
人氣(46) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 瘦身日記 |
此分類下一篇:２３／０１　最後一日番工喇　～～　年廿八洗白白
此分類上一篇:２１／０１　花墟

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文