Ｎｉｇｈｔ　ＣａＴ　ｃＡｔ　之家 多謝大家留意我的一舉一動

89愛的鼓勵 0訂閱站台

今朝真係超驚，老闆無啦啦叫左我出黎！我以為發生咩事．．．原來佢問我係咪唔出雙糧就會ｒｅｓｉｇｎ！我真係俾佢嚇親．．．我真係無言．．．當時我有澄清啦！我係冇做過呀嘛！亦都唔知邊個講佢知！我個心當然冇咁機警啦．．．真係冇反應！之後我有問過佢邊個講．．．當然佢冇直面答我，只係答我”我聽得番黎，你都應該知邊個”！我真係唔知喎大佬！心諗依家咁既經濟環境，點會咁白痴冇雙糧出就走呀！邊個養我呀　～～　之後佢仲講話佢都想我地有雙糧出，仲話寧願慳自己都唔想我地冇得出．．．講到咁我仲可以講咩呢？！傾完後坐番埋自己位，都唔知自己做乜！即刻搵ｔｅｒｒｙ傾同埋話番俾大家知有雙糧出啦．．．

今日發生呢單野真係ｏ咀！我再係道講多次，如果下年經濟係好既，我諗我都唔會搵到份好工囉！唔係講依家做呢份工有幾好！我係好珍惜同事之間既夾！老闆又唔係真係好差！但又唔係好喎！總之我會努力架喇　～～

 

今日食既野有：

早餐：雪菜火退米／凍檸茶走甜

午餐：叉燒飯走汁／１碟菜心

下午茶：１個蘋果

晚餐：３匙梅菜／６舊豬肉／１碟菜心／１碗白飯