Ｎｉｇｈｔ　ＣａＴ　ｃＡｔ　之家 多謝大家留意我的一舉一動

89愛的鼓勵 0訂閱站台

今日番大陸，落番去深圳果陣，ＫＡＲＥＮ帶左我地去買文具同埋新年既裝飾！間野好鬼大，人面廣真係勁！！我地每個人都有收穫！之後佢突然話唔番香港，係黃崗掉底我地走！咁當然冇問題啦　～～　反正呢Ｄ時間，梗係唔番公司啦！車我地都唔知番去好唔番去好！依家咁就梗係澎澎聲番入屯門啦　～～　呵！！

番到入去！我好耐冇同過麗娟一齊租書喇　～～　梗係同佢一齊番屋企啦！媽係屋企等緊我，之後就一齊出何福堂食晚飯！臨番到屋企前竟然見到細佬　～～　梗係一齊番上去啦！佢拎住一箱野，麗娟問佢咩黎，我即刻答佢”仲駛問既，梗係啤酒啦．．．”，細佬唔出聲！之後麗娟”唔係呀　～～　點會呀”，之後我地就出ＬＩＦＴ！之後出ＬＩＦＴ細佬話係麵，我同麗娟都大笑！之後我就話”你係邊個！冇可能既　～～　你一定唔係我細佬，你俾鬼上身呀嘛！”哈哈哈　～～

今晚本來係我地３個連埋細佬２個朋友一齊食飯，點知有條仆街放佢飛機！講真，我睇呢條仆街唔順眼好耐！由細佬上份工，呢條仆街無啦啦炒佢！明明係兄弟，唔係介意你炒，亦都明白做高位既道理！但係都應該通知人一聲！呢單野我都唔明我細佬點解會原諒佢！都算　～～　依家條友冇野做架！人地請你食飯，你唔黎咪直接講唔黎囉！駛乜咁賤電話都唔開呢！呢Ｄ人我一世都唔會同到佢做朋友！！

算　～～　我今晚係同細佬慶祝生日既！細佬又唔知自己想食咩，最後都係我同媽叫哂！哈哈！今晚仲有餸食唔哂　～～　仲可以益我聽日帶飯添！呵　～～

今日食既野有　：

早餐：１片麥包／１盒脫脂奶

午餐：雞粥一煲

下午茶：１片麥包

晚餐：１碗白飯／半碟薑汁芥蘭／４份之１隻大既薑蔥蟹／２隻大蝦／３匙菜脯蛋