Ｎｉｇｈｔ　ＣａＴ　ｃＡｔ　之家 多謝大家留意我的一舉一動

89愛的鼓勵 0訂閱站台

今日真係平安到爆　～～　明明大家想食西餐，點知個天唔俾我地食，打親去間間都話　ｆｕｌｌｂｋｉｎｇ，一係就要我地俾訂，係咪傻架！最後我地去左官塘富臨打邊爐！

４強真係好耐冇出黎喇　～～　上次已經係２個月前！

今朝起身好病，成個鼻好似塞得好勁咁，最後決定收工睇左醫生先！原來今日個個都收早，實在太過份喇！哼　～～　我夠提早３個字收工去睇醫生啦．．．

芝岩岩去完墾丁黎　～～　我都想去下　！！

次次出親黎都會笑死，今次由Ｖｉ提供以下笑話：

原來姨媽巾入面既吸水珠珠原來係竹生黎．．．

食完野之後，我地去左ＡＰＭ，仲話要搵地方影相，我地好似去左人地既偷情聖地咁，一出到去好多情侶係道．．．不過當然有ｄ唔係啦！之後我地搵左ｍｕｊｉ門口果個位黎影相！！

我地勁係道玩ｓｍｉｌｅ　ｄｅｔｅｃｔｉｏｎ，真係好笑到爆！原來有分大笑同微笑，但係佢兩個忍唔到笑，反而一笑即影囉．．．哈哈！未夠１２點就番到屋企喇　～～　聽日仲要番工呀嘛　～～　不過唔駛番工都唔想同人迫囉．．．

今日食既野有：

早餐：２片麥包／１盒脫脂奶

午餐：１碗豆苗（尋晚食淨，冇理由唔拎架，呵　～～）／叉燒飯走汁／凍檸茶走汁

晚餐：打邊爐都食左好多野下，大概有３粒墨魚丸／１碗西生菜／１碗西洋菜／２隻魚皮餃／３隻蝦／１片羅白／３隻冬菇／２細扎金菇