24h購物| | PChome| 登入
2008-12-25 21:47:22| 人氣33| 回應0 | 上一篇 | 下一篇

２０／１２　老闆生日＠黃金海岸

推薦 0 收藏 0 轉貼0 訂閱站台

今日老闆生日，好似上年咁去左黃金海岸！ＴＥＲＲＹ話今日唔ＪＯＩＮ我地，佢要帶ＳＥＡＮ去打針，而我地４個就諗住行下街先，因為６點半前入到去既話，仲有好多時間！

今日唔知做咩，好餓！勁追佢地幾個走！最後１點半出公司門口！之後話坐小巴再轉的士！我諗諗下唔對路！好似坐的士抵ｄ，因為我地都４個人，每人
１１蚊坐小巴，仲要再轉的士去天文台道！咁不如直接坐的士去．．．諗住問下的士幾錢，之後先決定上定唔上！問完之後話大概９０蚊！都ｏｋ啦！
亞Ｍｕｎ話我做咩唔問司機有冇折！依家咁既經濟，算啦．．．冇人坐的士架喇！仲問人地有冇折，我問唔出囉！反正應該都係正常貴幾蚊，我真係覺得
ｏｋ！

我地今日去佢地成日講既明洞ｅｘｐｒｅｓｓ食韓野，其實韓野我諗我咁大個女都食左一件手都數得哂既次數！（除左韓燒啦下．．．）真係冇野岩我食，我叫黎叫去都係炒粉絲同石頭鍋飯．．．

去到佢地問我會唔會ｓｈａｒｅ，我真係唔想囉！我已經講話冇野岩食！ＸＤ
我最後叫左個牛肉石鍋飯，幾好呀！冇汁　～～　又有飯焦，又冇油！係就係冇菜．．．算啦！我今晚食多Ｄ！
我地今日俾美麗華一個商場ＫＯ左，由放工到走都係行左一個商場咁大把！原來佢地３個都有選擇困難症，每幾樣野一睇中，都唔識選每樣野係自己最鐘意！勁　～～　我都唔錯　～～　執到平既豐天ＴＥＥ，仲要係ＫＩＴＴＹ既添！

最後我地仲兜左轉嘉連威老道添！快行　～～　之後就行番落佐敦道坐小巴入黃金海岸喇　～～

入到去都係６點鬆少少，幾好！去到已經見到好多叮噹喇　～～　靚呀！
今年比上年好似有少少失色，不過味道都唔錯　～～　仲有台面既野多左！有一碟海鮮同牛脷！佢地仲拎左一大碟ＢＢＱ入黎添！（其實我當佢地拎，因為我今日做左水禾田，老闆叫我幫手影相　～～　ＯＫ啦！）

今日都食左好多野下，我失手係隻雞翼道　～～　其他都應該ＯＫ！

寫左我今是食Ｄ咩先：

早餐：火退叉燒米／凍檸茶走甜

午餐：牛肉石頭鍋飯

晚餐：１碟西蘭花／１件牛扒／１隻雞全翼（冇食尖，同走左皮）／１隻長腳蟹既腳／１隻青口／２塊牛脷／３片三文魚刺身／３片八爪魚／２件反卷壽司／３件燒菠羅（今晚其實都係唔太記得，好在有影相，大概食左呢Ｄ）
到切蛋糕還節喇　～～　但係ｄ小朋友去哂叮噹果道玩，最衰都係我，話俾
Ｋａｒｅｎ知，叫佢快ｄ帶小麥去！點知個個去左玩唔願番黎咁！老闆想影一家人既合照都唔齊人，有少少咁多黑面！不過都ｏｋ既　～～　佢既家人送禮物俾佢都好開心架　～～
今年既抽獎都冇分咩大獎唔大獎，反正每人有份，永不落空！當然員工既獎好過佢既家人啦．．．話哂我地有份做野架嘛！

老闆話怕我地抽好耐，咁今年就唔影相，不過Ｋａｒｅｎ俾小朋友抽都用好多時間，佢自己又唔控制下，仲有果班咁既屋企人，個個好似坦妃咁！唔識旭，禮物已經送俾人，都好應該出黎拎，個個係個位道好似俾萬能膠痴實左咁．．．真係好慶！話我燥都係咁話架喇！！

今日我抽中左條頸巾，初時都冇乜野，反正是但！因為慶緊！後黎Ｋａｒｅｎ話佢抽中左條電話繩，我梗係開口問佢換唔換俾我啦！呵　～～　得米！

Ｔｅｒｒｙ就好好彩，佢抽左佢鍾意既電子相架！而雪就抽中左條磁性頸錬，不過佢同Ｍｉｎｇ換左個ＫｉｔｔｙＨｅａｄｓｅｔ！Ｍｕｎ就抽到ＢＶ新既電話繩！而Ｍａｎｄｙ抽到香檳杯一對，佢可能見到我有得換，佢又同太子爺換左長既ＢＶ電話繩！最後咪佳大歡喜囉　～～
最後黎張大合照（當然只係我地自己員工啦　～～），影完相，我地又繼續同小朋友玩，玩多一陣之後老闆就車我地出去荃灣！各自回家　～～～

我要檢舉
台長： 夜貓貓
人氣(33) | 回應(0)| 推薦 (0)| 收藏 (0)| 轉寄
全站分類: 心情日記(隨筆、日記、心情手札) | 個人分類: 瘦身日記 |
此分類下一篇:２１／１２　葉問
此分類上一篇:１９／１２　浩　～～　生日快樂！！

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文