Ｎｉｇｈｔ　ＣａＴ　ｃＡｔ　之家 多謝大家留意我的一舉一動

89愛的鼓勵 0訂閱站台

今日上大陸，上到去自然查下自己Ｄ貨幾時落，點知突然同我講星期一睇果Ｄ走唔到，我梗係拆天啦！明明大家都知道睇完尾期後既３日內一定要走貨，今日星期三先同我講走唔到，邊個賠呀．．．

好慘，突然收到老闆電話，勁鬧我！明明個客講明唔跟個期就取消，佢係一齊同我開會，佢話我屈佢，點解我仲要應承個客，明明唔係我講話幫佢落，依家係講緊取消成單貨，佢話咁取消點解我唔同佢講！咁大單數我咩得起咩？！我梗係知我咩唔起啦！！咩得起我就唔會迫佢地要走貨啦！仲屈我屈佢有聽過．．．真係Ｏ咀！我夠知我依家咁迫會可以客會收垃圾啦！都總好過你俾人取消呀嘛！！俾佢咁講我就忍唔住喊．．．個個星期咁辛苦上３日得出黎既結果係話我屈佢．．．心都真係好淡．．．

成個上晝都好炆憎下，反正我查貨就唔好攪我．．．之後我地去左食午飯，食完番黎之後繼續做埋個尾，今日ＭＡＲＩＡ同我地一齊落，所以唔駛自己坐車．．．差唔多４點走得啦！點知佢無啦啦話去廁所，番左去宿舍，點知一去冇回頭，我忍唔住４點４終於走過去搵佢！頭先佢坐係道同佢老公睇電視！係咪痴架　～～　又話我地４點鐘走遲！！仲睇！！我忍你　～～　今日反正都係唔開心架喇．．．

今日食既野有：

早餐：皮蛋瘦肉粥／２件羅白糕（今日出門口唔記得拎麵包，所以買野食）

午餐：１碟西洋菜／４片豬肉／１片鮑魚／１匙大眼雞魚／１匙苦瓜蛋／１匙什菇／１片鹵水鵝肝　

今日超爆笑，不嬲去呢間野道食都唔錯，同佢老闆都有打招呼，今日佢老闆仲同我地傾左好耐，點知佢行埋黎同我地講我地張台咁ＤＩＲＴＹ，即刻搵人黎鬧！話冇人做飲食咁ＤＩＲＴＹ，一定要做得好Ｄ，之後佢自己叫既野，無啦啦又俾Ｄ我地食，我地條烏頭唔靚，又送左條大眼雞俾我地！無啦啦佢又叫鮑魚，又無啦啦整左４片我地食！頂　～～　咁多野食早知唔好叫咁多啦！雖然今餐係公數，都唔好蝕呀嘛！哈哈　～～

下午茶：１個蘋果

晚餐：粟米一罐／３份之２塊紫菜／２隻麻將大既瘦肉／半碗野葛菜魚湯