Ｎｉｇｈｔ　ＣａＴ　ｃＡｔ　之家 多謝大家留意我的一舉一動

89愛的鼓勵 0訂閱站台

經過尋日好辛苦咁痾左之後，今日我即刻鬆哂，呵　～～　今日上大陸，朝早諗住買粥食啦！！點知又冇皮蛋瘦肉粥，最後都係買左豬紅瘦肉粥啦．．．仲好想食羅白糕添，當然又係唔食得啦．．．

今晚約左７點麗娟係旺角等，點知我６點半都仲係黃崗，我實遲到啦！好在麗娟都遲左出黎，不過佢都等左我一陣，而ｂａｂｙ都有出黎陪佢呀！佢好餓仲忍唔住買左件　　　　ｐｉｚｚａ食添　～～　我地先上左去睇營養師先，之後先食晚飯！

嘩　～～　好消息呀！我減左１１．５ＬＢＳ喇！！之前Ｋａｔｈｙ講過，話我超過１０磅我有大餐食，原來係我鍾意食乜就乜，唔駛就住呀！咁大個ｑｕｏｔａ，我梗係要諗下啦！哈哈哈　～～　麗娟　～　加油呀！你好快就有大餐食架喇　～～　之後我地去左茶餐廳食飯！一路食一路傾，終於諗到我大餐食乜喇　～～　約左７號去婉薇屋企ｂｂｑ，就梗係將個大餐放ｂｂｑ，咁我就可以食腸仔同雞翼啦　～～　ｙｅａｈ！！

食飯後同佢２個行波鞋街，ｂａｂｙ想買對鞋打羽毛球，點知諗黎諗去都唔知買邊對，後黎仲搵佢細佬見下面添！大鼻係國美做，原來ｂａｂｙ搵佢拎書，佢兩兄弟入左鋪，而我同麗娟係門口等，麗娟問我，佢兩兄弟邊個靚仔ｄ，我答佢大鼻靚仔左好多！哈哈　～　之後佢問我做咩唔同佢地講．．．我話會唔會俾ｂａｂｙ打架！哈哈　～～　之後佢竟然同大鼻講我覺得佢靚仔ｄ，ｏｋ我講完我認架喎！不過ｂａｂｙ會唔會難受架！哈哈！之後仲話我，問我其實係叫我話ｂａｂｙ靚仔ｄ．．．咁你早講呀嘛！之後就各自回家！

今日食既野有：

早餐：豬紅瘦肉粥（走豬紅）／羅白糕

午餐：１碗半方魚肉碎粥／２粒魚蛋／２粒牛丸／２隻蝦／１碟西洋菜

下午茶：芝士火退治

晚餐：叉燒油雞飯走汁／１碟生菜／凍檸茶走甜

今日真係超開心　～～　估唔到４個星期減到１１．５磅！！ｇｏｏｄ　ｊｏｂ呀！！