Ｎｉｇｈｔ　ＣａＴ　ｃＡｔ　之家 多謝大家留意我的一舉一動

89愛的鼓勵 0訂閱站台

我發覺每逢星期六日都係好難控制，當然出街食都好難選擇我有ｄ咩食得．．．所以通常超標都會係呢２日．．．

今朝又好似平時星期六咁，去番果間茶餐廳食，點知熟果個放假，真係生蝦咁跳，由公司話遲到扣錢以黎，我未試過俾佢扣一蚊，我就係為左今日呢個早餐俾佢扣左廿蚊，超唔抵！！有乜可能漏單架！！最慘係我為左個早餐蝕左廿蚊呀嘛！！個早餐好貴．．．

今日都真係炆憎爆！！話說老闆個ｆｄ顧小姐又黎買貨，今次係一百條頸巾，真係頂佢個肺，話今日２點鐘上黎查貨，講真話我唔好老脾都係咁話，都收工啦！為左你一百條頸巾留係道仲要陪你查貨，請問頸巾有咩好查呢．．．點知好衰唔衰，亞浩首先收工遲左，我等左佢一陣就話落深水步等佢，一出門口就見到顧小姐，女夭　～～　咁咪同你講２句我先走囉！仲衰既野都未出現，就係條頸巾短左呀頂，特登打黎話”講到明俾你知唔計鬚鬚要１８０ｃｍ，依家都仲係咁短，你都仲係咁既唔改既”，大佬我唔係冇做架喎！明明係偉明都度過係ｏｋ先叫佢開織，之後織好都仲度一次！！明明係夠架喎，縮我都冇辦法架！！真係慶到爆！！我驚果個唔係佢，係老闆咋！！諗住實俾佢鬧啦．．．點知做哂心理準備，又唔打黎喎．．．之後ｍａｎｄｙ仲話我知，老闆攪掂左，之後佢寄走左啦！真仆街！！

我以下呢段說話講得出做得到：如果佢將來仲有野搵明虹做，如果老闆仲係要我跟，我表左態唔跟既話，我一定會ｒｅｓｉｇｎ！！！哼！！！！！佢真係麻煩到冇人有！

好喇　～～　講左咁多都係講下我食左ｄ咩先：

早餐：雪菜火退湯米／凍檸茶走甜

午餐：三文魚刺身飯

晚餐：５粒魚肉／１碗白飯／１塊豬肉／１２粒提子