24h購物| | PChome| 登入
2008-09-08 21:45:22| 人氣286| 回應0 | 上一篇 | 下一篇

２７／０７　杜如風@書展

推薦 0 收藏 0 轉貼0 訂閱站台

今日我約左３強先去官塘飲茶，再去書展ｓｈｏｐｐｉｎｇ！

臨出發書展前我地係７－１１先買飛，再坐巴士去書展！去到會展門口，人潮俾我想像中少人！諗住今日冇死啦．．．點知．．．梗係多人到爆啦！

我首先第一站梗係要搵左Ｈｅｌｅｎ本書先啦！因為我地冇簽名証呀嘛！之後好快就搵到個攤位，但係冇簽名証囉！我記得Ｈｅｌｅｎ應承我地話可以係書展等佢！無論如何佢都會同我地簽名影相！所以我同VI都先買書！但係我連入攤位既能力都冇囉...因為９０３既ＤＪ好多粉絲係攤位道等緊．．．我自己一個迫入去先買書！

買完書之後，大家相繼買到自己既心頭好！我既心目中想買４本書，但最後只買到三本，包括：Ｈｅｌｅｎ既 "風行東京"、ＭａｍｉＭａｍＡ既”一屋四人一日一誌～２”同埋鄧小林既”喂！我仲未死架”！當然最後一本就係買唔到既．．．”ＳＨＡＲＩＮＧ　ＬＩＦＥ　Ｙ！ＢＬＯＧ生活誌”

行到差唔多5點，我地去搵個簽名會場係邊道！點知去到係ＢＬＯＣＫ左唔俾入！後黎其中兩位朋友話不如扮去買飛睇下俾唔俾入啦！點知梗係唔得啦！又後黎ＶＩ話上面應該有講坐聽！我地扮聽就入到去啦！果然ＯＫ　～～　
多謝你呀ＶＩ！

入到去當然有好多人等緊啦！但係等緊邊個唔知！我地周圍有幾個人肯定等緊 Ｈｅｌｅｎ，我地等既時間拎左我地買既書出黎睇！等到大概５點８左右，突然有位男ＦＡＮＳ拎住簽名証出黎！話Ｈｅｌｅｎ叫我地拎D用過既簽名証可以入去搵佢簽呀！即刻開心到爆燈啦！我一支箭咁行左去，我以為ＶＩ一直係我後面，所以我問男ＦＡＮＳ拎兩張簽名証！後黎佢話唔得，每人只可以一張，我就即刻搵ＶＩ啦！點知過到黎果陣男ＦＡＮＳ已經派完！咁我唯有自己入去！ＳＯＲＲＹ呢！！（我知道點解呢個ＭＯＭＥＮＴ我問你駛唔駛幫你簽埋，係因為你拎唔到張飛，我個人已經癲左．．．）

入到去，竟然見番我讀書好迷既德勛！當然佢係黎支持Ｈｅｌｅｎ架啦！我唔敢去同佢相認！等陣唔駛５分鐘就到我喇　～～　第一句同Ｈｅｌｅｎ講 "我係ＮｉｇｈｔＣａｔＣａｔ呀！你應承同我簽哂成本書架呵？！”之後
Ｈｅｌｅｎ答我 "我認得你！不過今日簽唔到喎！哈哈哈”，之後我地影左張合照，佢勁多謝我之後，我就落台同會長相認喇　～～　仲親口恭喜左會長有左ＢＢ添！

出番去會合３強！仲拎左張相俾佢地睇！大家睇完之後勁大笑！因為張相影到Ｈｅｌｅｎ身材好勁呀！張相唔知點解有胸隙呀！！
等左又冇幾耐！Ｈｅｌｅｎ佢地出黎喇！我地即刻又出左去！當然ＶＩ佢地第一時間要同Ｈｅｌｅｎ影左相先啦！

雖然我上面果張手震，但係唔怪得我架．．．唔關我事！

傾傾下仲傾到傷口添！Ｈｅｌｅｎ問 "要唔要睇下我個傷口同埋影相呀"！之後真係開左塊膠布俾我地睇下！傻婆黎架真係！
之後佢地趕住上番ＨＡＬＬ１簽名，而我地去完個廁所出黎仲見到佢地．．．我就即刻捉住ｅｄｗｉｎ導演話同佢影張相！導演話”唔係掛．．．”！佢答完我之後我心諗”睇黎我嚇親佢”（但係我想講”導演！今期你紅左喇～～～哈哈哈”

我要檢舉
台長： 夜貓貓
人氣(286) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文