24h購物| | PChome| 登入
2008-04-25 23:24:36| 人氣176| 回應0 | 上一篇 | 下一篇

２５／０４　黑門市場／大阪城／心齋橋／美國村

推薦 0 收藏 0 轉貼0 訂閱站台

今日起身後就去左黑門市場食早餐，其實明知道咪就係一個街市囉　ｘｄ
我地去左間有位坐底食刺身既地方，食左刺身、壽司同埋燒魚，食完之後我仲
買左士多啤梨諗住坐係大阪城道食。哈哈哈　～～　幾識享受．．．
睇下幾鬼豐富　～～　個帶子甜到呢　～～
去到大阪城，亞浩睇完個地圖就諗住出發啦，突然有個伯伯問我地係咪去大阪城，仲同我地講”ｗｒｏｎｇ　ｗａｙ”添！真係超爆笑．．．之後就問我地係咪大陸人，即刻答佢ｈｋ啦．．．我地搵岩路喇　～　之後仲見到個櫻花陣添！我諗如果呢道真係全部滿開，真係靚到爆呀　！！
呢個先係大阪城既圍牆咋．．．有排行呀大佬．．．
我地坐左係大阪城門前食我地既士多啤梨，之後就去買入場卷入場參觀，個城真係好宏偉，只可以講舊時既人好勁，咁Ｑ大舊石都唔知點拎入城起！仲要個城咁鬼大喎！我地上左去頂樓睇，亞浩話佢打機唔駛行咁遠．．．我都好想知！哈　～～
呢道望出去真係好靚　～～　４周圍既金像真係好靚　～～　亦好宏偉下　～
我地仲整左個金幣黎留念　～～　有得刻名架　～～
我地參觀完大阪城之後，番左去難波，我要買今日出既ＳＴＩＴＣＨ　
ＣＲＯＣＳ，呵　～～　買到喇　～～　幾鬼靚！！以後唔駛同亞浩掙鞋著喇　～～　ＹＥＡＨ！！

買完鞋之後，我地番上酒店放底Ｄ野，之後出發去食晏．．．（其實都２點幾喇　～～）
我地決定去食１０５ＹＥＮ烏冬，呢間烏冬好抵食，佢既操作好攪笑，就係你想食乜就拎乜，之後就拎去埋單，岩哂我呢Ｄ唔識日文既人　～　個烏冬好鬼大，我地其實叫中ＳＩＺＥ咋　～～　埋單都係１千ＹＥＮ左右，抵爆呀！！
食完之後我地決定要行哂心齋橋筋，嘩　～～　呢條街真係冇盡頭架喎．．．完全見唔到尾係邊，行行下見到ＴＯＫＹＯ　ＨＡＮＤ，我要買番我上年亞浩唔俾我買既筆，我足足怨恨左一年呀，我每次行親香港既文具鋪都會同佢講”你睇，我又搵唔到喇”，足足俾我講左成年，其實係咩筆點解我要買，哈哈　～～　首先我要解釋一下，我其實係一個筆怪黎，見到咩筆好寫既又唔太貴我都會買，而呢支筆其實係支水筆黎，但係佢擦得甩架喎！又唔係貴．．．
１２６ＹＥＮ都ＯＫ呀　～～

我在買到呢支筆既呢一刻亞浩話我既怨氣終於散哂　～～　哈哈！！梗係啦！！我地今次仲癲到買左３支筆+５支芯添呀！！成千幾ＹＥＮ　～～　哈哈！！

我要檢舉
台長： 夜貓貓
人氣(176) | 回應(0)| 推薦 (0)| 收藏 (0)| 轉寄
全站分類: 不分類 | 個人分類: 2008年大阪之旅 |
此分類下一篇:２５／０４　黑門市場／大阪城／心齋橋／美國村～２
此分類上一篇:２４／０４伏見稻荷大社（清水寺／錦市場／伏見稻荷）

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文