24h購物| | PChome| 登入
2008-01-28 15:54:48| 人氣40| 回應0 | 上一篇 | 下一篇

２６／０１　３個鐘攪掂東門

推薦 0 收藏 0 轉貼0 訂閱站台

今日好明顯就係冇心機番工啦，初時婉薇話今日去佢屋企ＢＢＱ既，點知突然改做星期日啦！今日就ＦＥＥＬ喇！亞浩話不如上東門買野啦！好　～～

收工去葵興食完個晏就入沙田轉火車上羅湖啦！係沙田火車站我諗住唱埋錢先上去，起碼香港唱比大陸唱好似安全Ｄ呀嘛！港幣１１２對人仔１００，我初時冇用腦去對，就唱一千啦！（原來我俾人扼呀！！！我依家咁唱對８８蚊呀！頂佢個肺呀！！明明對９１／９２架嘛！！扼左我４０蚊呀大拿拿出！）

我地好快過完關就轉地鐵去東門，我地今日既目的係搵我太子爺買開果間既次貨衫褲鞋！嘩　～～　周圍都爆多人呀咩事呀！！雖然好過旺角少少，但係我都唔想行喇！買完要澎澎聲走先得．．．

係細佬（果間鋪既老闆）道買到３條褲（我、浩同埋我細佬每人一條），之後買左３件衫、仲買左ｆｏｒ相機用既袋添！咁就冇左一千大元喇　～～　我地今日真係爆快走！實在太多人，行埋百佳，我竟然買姨媽巾４大包，哈哈哈！超抵呀　～～　５．９／１０條喎（夜用）！超抵用！我仲同亞浩講過海關會唔會守我個袋，好尷尬架喎！ｆｉｎａｌｌｙ梗係冇啦！亞浩就買左支雀寧飲！抵飲到爆！一支２．３　～～　抵！

番到黎香港，因為我真係好凍好想買褸，我上次係陶大見到有哥倫比亞同北面買，想再去睇多次，之後就去睇啦！點知就梗係賣哂我睇中果ｄ款啦！果道係ｏｕｔｌｅｔ黎架！唔錯　～～　開到去２月２６呀！大家去睇下有冇野岩，之後就番屋企食飯喇！

今日３個粒鐘上大陸駛錢既創舉會唔會入健力士呢？！

我要檢舉
台長： 夜貓貓
人氣(40) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文