24h購物| | PChome| 登入
2008-01-02 21:54:49| 人氣41| 回應0 | 上一篇 | 下一篇

３１／１２　２００７年最後一日＠龍鼓灘劉星花園ＢＢＱ

推薦 0 收藏 0 轉貼0 訂閱站台

今日又一早上大陸啦！因為個客淨番今日係香港，所以佢想上廠睇辦！都ＯＫ啦　～～　因為佢話今日要早Ｄ番落黎！我梗係答佢好啦！ＹＥＡＨ　～～

我地食埋晏先落黎，老闆女襯個客講緊電話，問我車唔車佢番公司，佢話我拎到貨期就車啦！我答佢車啦！去完尖沙咀之後，佢問我地可唔可以車埋小麥先番公司，我又答佢車啦！我心諗”梗係車啦，唔番公司最好呀”呵　～～

番到公司做左陣野，ＺＯ話ＶＩ有野做，佢地２個等埋先入，好啦　～～　我等埋亞浩入去等啦！我好餓呀！

我本身諗住坐５９Ａ轉Ｋ５２啦！點知等左好耐都冇５９Ａ，一係就ＦＵＬＬ點企入屯門呀，最後我地坐６８Ａ轉Ｋ５２！

今晚劉星８８蚊／位，送一個野飲！明明記得上年有２個野飲同埋抽獎架！今年縮水呀！算　～～　澎澎聲開爐就得喇！好餓呀大佬　～～
叉左２條腸仔，佢地就黎喇　～～　真快！！原來佢地打左底！仲食壽司添！有夠誇張！哈　～～

玩到９點幾，雪仲話黎添！ＧＯＯＤ　～～　我地就繼續燒燒燒啦！其間ＺＯ話芝送左樣野應該係同ＶＩ掉轉左！就係一件炸蝦喇！一拎出黎真係超爆笑，不停淫賤黎淫賤去！

玩到１１點幾，雪終於到喇．．．真係黎陪我地倒數呀下　～～　燒埋野俾你都唔食！想死呀嘛　～～　都叫你收工跟我入黎算架啦！番屋企食飯！
之後雪啟動ＣＡＭＥＲＡ　ＤＥＴＥＣＴＩＯＮ之後，大家就不停影影影喇！好在雪有帶部ＬＯＭＯ黎！不過浪費左好多張相囉，因為有Ｄ大家都唔記得開閃光燈！哈哈哈　～～　當然要拎ＴＥＲＲＹ送俾我地既禮物出黎玩下啦！

其間我仲因為隻ＣＯＮ溶左變獨眼龍添！好野　～～　倒數喇　～～　

５，４，３，２，１　～～　２００８年新年快樂！我有我叫ＪＥＲＲＹ生日快樂，佢地有佢地叫ＳＵＮＧＭＩＮ生日快樂（當然用韓文啦）
我地倒數完，繼續影左陣相，我就開始ＣＡＬＬ的士諗住出番蝴蝶先啦，點知我打左好多個電話都話冇車，之後我打上台啦！條女仲野笑，話我地太早喎！叫我地玩到３點應該有車！玩多陣先啦．．．就收我地線喇！

咁我諗住反正都冇車，不如慢慢行出去撞下彩啦！點知．．．出面有成幾圍人等緊的士呀！呢鑊大喇　～～　今晚真係爆凍！我見對面有架旅遊巴，我即時話唔知佢係咪出番去呢（佢好似想開車走與唔走之間咁．．．）！ＺＯ突然話陪我過去問下　～～　ＧＯＯＤ！
我：司機哥哥，你係咪出番去呀？
司機：係呀，但係我等緊朋友家喎
我＆ＺＯ：你可唔可以車埋我地出去呀？
（我諗當時都一輛咀，好Ｑ凍想快Ｄ上車，哈哈哈！）
司機：你地要去邊呀
我：蝴蝶邨，我地俾返錢你
司機：個邊都係你Ｄ朋友呀（司機指佢地企緊側邊果幾圍人）
我：唔係呀，我地６個咋
司機：好，收你地５蚊一個啦
我：嘩　～～　好呀！我幫你問埋果堆人！

之後我同ＺＯ即刻叫佢地上車之餘，仲大叫５蚊位出蝴蝶有冇人上車！之後司機話５蚊個蝴蝶，之後仲話出埋吉之島添！幾圍人好快咁走晒過黎上車，之後仲攪笑，原來司機係等２個ＦＤ咋！

開車之後仲好笑，咁５蚊既都上左４份３，我地叫佢不如ＳＥＬＬ下巴士站等緊的士果Ｄ啦！仲話上車收１０蚊定１５蚊，點知佢仲好老實咁話５蚊！

過哂巴士站之後，佢朋友側邊同佢講，呢段路好好行架，過左呢支燈之後道道都係綠燈，你直踩就得架喇，跟住明明黎緊果支燈係紅色，佢都話係綠色，咁就衝左一支喇！我地又勁笑笑笑啦！

再跟住有ＲＯＡＤＢＬＯＣＫ，點知原來司機哥哥飲左酒，驚俾人吹波仔，仲叫朋友同佢掉位添！之後仲大大聲同我地講”開車前咪飲，開緊車吧吧聲飲”之後仲爆笑，話我收到２百幾蚊都唔係揸車，你開啦！我袋袋平安！哈哈哈！呢程車真係好好笑呀　～～　司機哥哥仲問我地去邊，睇下會唔會順路！我地答佢官塘定旺角，之後就梗係唔岩路啦！佢話４點要去到薄扶林，唔駛訓架喇，我地答佢”咁你應該等陣再兜多轉入龍鼓灘應該仲有人出番黎”

落車後我帶佢地行番去個小巴站，點知未到小巴站就有車喇　～～　ＹＥＡＨ綠ＶＡＮ１６．５出ＭＫ，抵爆！仲諗住今晚睇下會唔會有的士平價出番　　ＭＫ，點知架ＶＡＮ勁快呀！１５分鐘就出到旺角喇！我地仲估３點會唔會番到屋企添！睇黎依家唔駛３點都番到囉！
到左旺角後，我地帶左芝去搵左架大埔小巴先！

出到黎ＭＫ溫度都高Ｄ，其間ＶＩ又出冷笑話”旺角好熱呀，一定係Ｄ煎釀三寶搞到旺角熱晒，所以以後夏天唔俾賣煎釀三寶，仲話環保團體應該支持先岩！”ＶＩ我凍完架喇！你又雪番我落雪櫃呀．．．

去到油塘２點８我媽打黎問我地燒完未，我答佢燒完啦，番到出黎添喇！佢竟然話我做咩唔係番屋企咩．．．番去沖埋個涼，到收到雪個ＭＳＧ話番到屋企！雪．．．你屋企大陸黎架！咁耐既．．．可能真係架小巴太快啦．．．冇理由佢坐的士都仲慢過我地出番黎架！
今晚同大家都玩得好開心呀　～～

祝大家今年愛情有著落，事事順利　～～　ＹＥＡＨ！

ＰＳ：佢地拎住呢隻就係淫賤炸蝦喇！！

我要檢舉
台長： 夜貓貓
人氣(41) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文