24h購物| | PChome| 登入
2007-12-27 00:01:02| 人氣36| 回應0 | 上一篇 | 下一篇

２５／１２　ＢＢＱ＠婉薇ＨＯＭＥ

推薦 0 收藏 0 轉貼0 訂閱站台

今日約左１點鐘入到去沙田火車站一齊食晏，我地諗住自己會遲到，點知都早過婉薇！哈哈哈！上到車仲見到翁生添！解釋俾亞浩知個答案係笑爆咀架”即係翁太個老公”！多哂　～～


之後我地去左西田既ＦＯＯＤＣＯＵＲＴ食野，呢道Ｄ午餐有Ｄ貴！哈哈哈　～～

食完後我地去街市買今晚既主菜：大量既丸、腸仔、豬扒、牛扒、雞扒、羊架、大蝦、大蜆、雞翼、娃娃菜、冬菇、金菇、麵包同埋粟米！應該足夠１２個人既份量。

一番到去我洗哂Ｄ野，攪掂哂Ｄ野都仲未打得麻雀，我打左２圈，唔錯　～～最後亞浩係輸左２百幾蚊．．．ＴＯＴＡＬ打左１２圈！

燒野食到中場，我話不如玩左交換禮物先啦！抽一個出黎，抽中邊個既禮物就果個人再抽。點知都係有一抽中自己既，其實應該掉番落去再抽囉！咁先叫做交換禮物架嘛！最後今日既好玩節目，抽錢！今晚既入場費每人１３８，其實其中既５０蚊就係呢個節目既錢啦！

玩法：一早定下錢既數目入落個信封道，之後抽啤牌鬥大，最大既係葵扇Ａ，最細既係佳磚２。之後最大開始既抽信封！信封入面寫既數字就係你得既錢數目喇！

ＹＥＡＨ　～～～～～～～　我好勁呀！我抽到最大果份４百蚊！多哂　～～亞浩抽到５蚊！亞浩輸既錢我拎番喇　～～　再次多謝各位！呵　～～　今晚食得超飽，都有食剩野．．．好在佢地會留黎自己再燒過！哈哈哈！要你地執野真係唔好意思！我地趕１２點尾班車出番官塘！

我要檢舉
台長： 夜貓貓
人氣(36) | 回應(0)| 推薦 (0)| 收藏 (0)| 轉寄
全站分類: 不分類

我要回應
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文