24h購物| | PChome| 登入
2007-12-19 18:48:41| 人氣41| 回應1 | 上一篇 | 下一篇

１９／１２　送亞浩一個難忘既生日

推薦 0 收藏 0 轉貼0 訂閱站台

尋晚點幾先訓，半夜４點亞媽打黎話係屋企樓下俾人搶左個袋！佢話有人楊一楊佢對眼，之後有人搶佢個袋！一路同佢講電話既感覺都係佢應該飲左酒，不過佢發生Ｄ咁既事，應該係好亂！之後我一直都有ＫＥＥＰ住同佢講電話！之後因為個警察話佢應該飲大左，激到佢以為佢話佢老作！而又因為我一句”我都覺得（即係我覺得佢都有飲醉）”佢就開始癲左喇！之後不停ＣＵＴ我線，又話佢當冇左我呢個女！我個腦越諗越亂！之後決定坐的士番入去屯門！

點知咁邪，落到留下一架的士都冇！同有人同我一齊等的士添！見果個人行出出面，咁我同亞浩都行！等左一陣有架的士停喇！咁我同另一個人講唔好意思，之後我就上車！一上車問佢可唔可以入屯門８折，司機好快答我ＯＫ！咁就開車喇！途中亞媽打黎話已經捉到人！

司機都開得幾快！５點２就入到去青山警處，我媽佢地已經去左警處等落口供，警察話要等ＣＩＤ番黎先可以落！等既期間，俾人捉到既賊既父母到左，聽講話條友得１４歲！點知突然個男人同我媽打招呼．．．原來個男人係個賊既老豆！真係好似戲咁．．．唔係路！條男人問我媽認唔認到人，之類既野，我真係好想出聲！你唔應該同我媽講野！當然我冇咁做！等到差唔多６點終於番到！開始認証物同落口供。我同亞浩就出面等！等既期間條男人終於出番黎，話自己要走喇！ＣＡＬＬ左佢個妹黎，仲解釋俾佢老婆聽發生咩事！大概係話幾個人一齊搶，佢個仔做笠衫果個楊我媽對眼果個，之後唔知點解去左大公園果邊分錢！２個人各３００！聽到呢道我以為我媽冇左３００！點知．．．佢都係冇哂３－４千蚊！我地又以為佢Ｄ手袋呀証件呀應該俾警察收起做証物！點知個ＳＩＲ好好人，話影相就ＯＫ！我媽就可以拎番哂Ｄ野！我地等到７點９定８點先走得！

都幾餓，決定去食Ｄ野先，亞媽話係條友身上搵到佢交左既電話費單，亞浩話好在搵番去，如果唔係可能連屋企都俾人打劫！呢番說話突然嚇左一嚇之後醒番！亞浩講得岩！雖然我屋企冇野俾佢偷，都真係執身彩！雖然依家佢冇左３至４千蚊！而我．．．都唔好過！冇左１千蚊！俾左８００蚊佢呢幾日用，我仲用左２００蚊坐的士番黎！

因為今日本身約左上大陸，我６點幾就打俾ＴＥＲＲＹ通知佢呢件事，順便叫佢話俾老闆聽！唔知呢件事會唔會影響到我媽變番正常，夜晚唔好再出街！希望會．．．

雖然今日係亞浩既生日！但係發生Ｄ咁既事．．．都幾難忘！真係唔好意思！

我要檢舉
台長： 夜貓貓
人氣(41) | 回應(1)| 推薦 (0)| 收藏 (0)| 轉寄
全站分類: 不分類

我要回應
TｅｒＲＹ
嘩。。。真係好驚險呀　＞。＜
細佬，生日快樂呀　～～～　
祝你心想事成，六合常中－－＞　中左記住係全靠我依句祝福，分Ｄ比我呀　ＸＤＤＤ
2007-12-19 21:38:27
否 是 (若未登入"個人新聞台帳號"則看不到回覆唷!)
* 請輸入識別碼：
請輸入圖片中算式的結果(可能為0) 
(有*為必填)
TOP
詳全文