Ｎｉｇｈｔ　ＣａＴ　ｃＡｔ　之家 多謝大家留意我的一舉一動

89愛的鼓勵 0訂閱站台

今朝６點起身，擦完穿洗完面，亞浩話我原來未整ｏｆｆ個鐘，整醒左佢！呵　～～　ｓｏｒｒｙ囉！

之後我就出門口喇，我約左老闆７點３係荃灣街市對面既粥鋪等，因為我要食野之餘仲可以門口泊車！點知我食完野都未黎，梗係打電話俾佢啦，佢話差唔多到我就埋單出門口等佢喇！

我地揸車上到去西麗８點幾，之後會合我地司機就出發喇！同行仲有小冬添！我地預計單程車都要６個鐘，途中既我訓下醒下．．．都唔知自己訓左幾耐，之後就睇下途中既風景啦！

大概到左１２點左右我地終於到左茂名（呢個地方一定遠過廣州，因為個路牌係遠好ｑ多），老闆話早左，不如遊下車河先！ｏｋ！一入到茂名小冬收到個ｍｓｇ話呢個地方係第一水果之地！好　～～　我地決定搵生果！點知兜兜下又俾我地搵到好多生果檔喎！嘩　～～　天價黎架ｄ橙，１２蚊斤（大概２個橙為一斤）！香港都唔駛咁貴啦！傻架！！！梗係唔買走人啦！之後行去另一檔話５蚊斤，呢個價錢佢地覺得接受到，所以買左幾個！司機溫頓落左車食煙，老闆叫佢去買個鮮榨蔗汁飲，我又夠膽死飲一杯喎！嘩　～～　超好飲呀！平時香港果ｄ清架嘛（當然加左好多水啦），呢杯冇架好正呀！期間小冬話我地去既信宜市係出名賣玉石架，老闆就好想去睇下啦！咁就話快ｄ開完會就去睇下！

之後我地就番轉頭等埋印花廠既人帶我地去，等左冇幾耐就到喇！佢話帶我地去左午飯先！梗係啦．．．都餓啦！大概又一個鐘左右，去到一個鄉村地方咁．．．食黃鱔飯！叫左幾個送都唔太岩食，點解．．．咪因為成個口都係荵囉！飯又係．．．送又係．．．點食呢！

食完後又開車到印花廠喇．．．又一粒鐘！去到印花廠已經３點左右喇！我地一坐底就開始開會！因為ｄ貨攪唔掂啦！

開到大概５點左右，開完個會，老闆心知路程遠，諗住唔去睇！點知印花廠個經理話佢個親戚開既鋪，可以帶我地去，大概都係５分鐘路程，咁老闆就話去啦！反正咁遠黎到．．．係！你想買既當然去啦！

去到我都買左野！哈　～～　真過份！我買左一隻玉鈪一條玉珠錬，都係用左２００幾蚊！ｏｋ啦！在買既過程小冬同老闆不停過人地ｄ野貴呀．．．唔靚呀！我信以為真！點知一上車又勁過抵呀，靚呀．．．咁！唉．．．原來講價呢門學問，我真係學唔黎．．．

我地又上車走啦！老闆一上車就決定唔番落深圳，決家上廠訓一晚，都好既，去到佢屋企我都係番唔到香港，點都係大陸過一晚，咁我咪可以做好人，小冬同溫頓唔駛超夜都番唔到廠囉！依家係尷尬時間６點，食飯又唔係，唔食又唔係．．．所以決定開架車去到茂名再算！

去到茂名已經７點幾喇！我地搵左間門面唔錯既”海港食府”食個晚飯！點知．．．好似入左黑店咁！冇菜牌，係咪好笑先！佢要我地去番門口睇下食咩點送喎！我地叫左好少野．．．一個例牌鹵水鴨、西洋菜湯、凍魚同埋一個我唔食既野”芋頭慈實白果”，黎到呢味先最好笑，因為係甜品黎架！笑到我老老闆死　～～

之後我地又上車打道回府喇　～～　終於係半夜１點左右番到廠！最後仲有個小插曲，我本身住廠住３樓架嘛，點知尋日上到去竟然乜都冇喎！最後我係住２樓啦！點知老闆仲慘，我沖完個涼出黎，老闆ｋｎｏｃｋ門，問我有冇水沖涼，我答佢我沖完喇！點知原來佢間房冇水呀！幾大鑊呢！最後老闆話唔駛理佢，仲叫我早ｄ訓．．．咁我梗係訓啦！１點喇．．．訓落床都訓唔著，好在有帶ｎｄｓ啦！打左陣都係訓！仲較左鐘８點９先起身　～～　呵！